Авторизация
 

Вучні Новапагосцкай школы наведаліся з экскурсіяй у Браслаў

 Вучні Новапагосцкай школы на канікулаў наведаліся з экскурсіяй у Браслаў. Перад падарожжам штораз узнікае адчуванне сустрэчы з чымсьці незвычайным і асаблівым. Так і здараецца.

 МАРШРУТ пачаўся з Замкавай гары. Адтуль горад бачны як на далоні. Гарадзішча ўяўляе сабой вялікі роўны ўзгорак з крутымі схіламі і знаходзіцца паміж азёрамі Навята і Дрывяты. На самой гары — неабсяжны валун з граніту з гарадскім гербам і бронзавай дошкай. Побач помнік Станіславу Нарбуту, доктару медыцынскіх навук, грамадскаму дзеячу. Калісьці ён быў у Браславе самым папулярным і паважаным жыхаром.


Паспяшаліся на гару Маяк. Тут адкрываюцца захапляльныя віды. На вежы касцёлаў, азёры, лясныя масівы, горныя вяршыні. Папілі гаючай вады з крыніцы Акменіца, што непадалёку. На памяць пра маляўнічую панараму набылі сувеніры. Дабраліся да сафары-парку паблізу з горадам. Ля кожнага вальера — паказальнікі са звесткамі, адкуль трапіла жывёла ў парк. Гадаванцаў пачаставалі прысмакамі.


 ЯШЧЭ адну порцыю пазітыву разам з адрэналінам атрымалі ў “Braslaw tie park”. Надоўга “завіслі”. Усе перашкоды вяровачнага атракцыёна аб’яднаны ў маршруты ў залежнасці ад іх узроўню і тэматычнай скіраванасці. Пад наглядам інструктара пераадолелі паласу перашкод, скаладром і спуск троляў. Упасці не баяліся, бо на ўсіх этапах страхоўка.


У аўтобусе доўга абмяркоўвалі ўражанні. За падарожжа ўдзячны Алене Лаўрыновіч з ФСК “Міёры”, санаторыю “Расінка”, які прадаставіў камфартабельны транспарт, і добразычліваму вадзіцелю Пятру Кліпацкаму за лёгкую дарогу.

Ксенія БАГДАНАВА, юнкар

журналісцкага гуртка “Зараначка”.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 8 мая 2021
Василий, Марк, Сергей

Именины 7 мая 2021
Алексей, Валентин, Иннокентий, Иосиф, Леонтий, Николай, Сергей, Елизавета

Госці краін

free counters
Партнеры сайта