Авторизация
 

Сям'я настаўнікаў з Сіцькоўскай школы

 Сямейная пара настаўнікаў Пятра Іванавіча і Ліі Іосіфаўны ПАНКРАТ нават на працы побач. Таму што кабінеты хіміі і фізікі ў Сіцькоўскай школе размешчаны па-суседстве. Пётр Іванавіч выкладае хімію, біялогію і геаграфію. Лія Іосіфаўна вядзе ўрокі фізікі, матэматыкі і астраноміі. Калі скласці педагагічны стаж абодвух, атрымаецца пяцьдзясят восем год.

ПРАФЕСІЙНЫ ШЛЯХ пачыналі ў розных школах. Пётр Іванавіч пасля хімічнага факультэта Беларускага дзяржаўнага ўніверсітэта ў 1982 годзе па размеркаванні трапіў у Новы Пагост. У раёне не хапала настаўнікаў геаграфіі, і маладому педагогу прапанавалі пашырыць веды і навыкі. Зноў БДУ, завочнае аддзяленне геафака. Выкладаць геаграфію і хімію накіравалі ў Сіцькоўскую школу.


Лія Іосіфаўна скончыла ў 1994-м матэматычны факультэт Віцебскага педінстытута і першы педагагічны вопыт набывала ў Туркоўскай школе. Затым прыехала ў Сіцькова як настаўнік фізікі.


КАЛЕГІ жылі па-суседстве ў інтэрнаце, вялі ўрокі ў суседніх кабінетах. Летам 1999 года далі абяцанне разам ісці па школьных калідорах і звілістых жыццёвых сцежках. Слова трымаюць. З году ў год, ад званка да званка. Вывучылі характары, звычкі і прадметы адно аднаго. Разам рашаюць задачы і тэсты па фізіцы і хіміі, рыхтуюцца да ўрокаў і выступленняў на семінарах. Няглядзечы на багаты вопыт, штовечар пішуць планы, штудзіруюць дапаможнікі.


— Нельга ўвайсці ў адну раку двойчы. Па адным і тым жа плане не будзеш кожны год весці ўрокі. Перш-наперш трэба арыентавацца на зацікаўленасць і здольнасці вучняў,— гаворыць Пётр Іванавіч.


 Настаўнік аднолькава захоплены сваімі прадметамі. І яму ўдаецца запаліць інтарэс у вучняў. Сярод выпускнікоў школы ёсць удзе-льнікі і пераможцы раённых, абласных, рэспубліканскіх алімпіяд па геаграфіі. Паспяхова здавалі ЦТ па хіміі абітурыенты медыцынскіх універсітэтаў.
— Вызначальная роля за жаданнем вучня, — падкрэслівае настаўнік. — Так, геаграфія цікавая і карысная для кругагляду школьнікаў, але малазапатрабаваная як прадмет, па якім трэба здаваць тэсціраванне.


— Фізіка для многіх вучняў складаная, — гаворыць Лія Іосіфаўна. — Сёлетнія выпускнікі плануюць паступаць на тэхнічныя спецыяльнасці. Больш сур'ёзна ўзяліся за вучобу.


— Хацелася б, каб матывацыя ў школьнікаў узнікала раней, — дадае Пётр Іванавіч. — Глыбокія веды па прадмеце — вынік штодзённай працы і не аднаго навучальнага года.


ЗАХОПЛЕНАСЦЬ уласціва сям'і Панкрат не толькі ў педагагічным рэчышчы. Клапоцяцца пра дом, пабудаваны ад падмурку да даху ўласнымі рукамі. Падтрымліваюць парадак на сядзібе. Даглядаюць птушку, агарод і сад. Сёлета сабралі першы ўраджай буякоў. Пасадзіць лясныя ягады на прысядзібным участку вырашыў гаспадар. Лія Іосіфаўна падтрымлівае ідэі мужа і дапамагае іх рэалізоўваць. Пётр Іванавіч заўважае, што настаўніку ў сельскай мясцовасці трэба асвоіць яшчэ з дзясятак спецыяльнасцей. Умее печы класці, разбіраецца ў электрыцы, садаводстве і агародніцтве.


ВОДПУСК Пётр Іванавіч і Лія Іосіфаўна праводзяць дома. Бесклапотны адпачынак не для іх. Жывой энергіяй насычае праца на зямлі. Знаходзяць час на тэсты і задачы, пазнавальныя кнігі і артыкулы. Трымаюць сябе ў добрай прафесійнай форме, пашыраюць эрудыцыю, займаюцца самаразвіццём.

Фотаматэрыял Казіміра БЛАЖЭВІЧА.

Кацярына РЫНКЕВІЧ. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 618
  • 0

Злавілі рыбку, ды… залатую

  • 28 февраль 2011, 16:16
  • 94 622
  • 0

Інвестыцыйны форум

  • 23 сентябрь 2011, 10:05
  • 90 613
  • 1

  • 11 февраль 2011, 11:20
  • 43 609
  • 0

Пераброддзе 2012. Погляд вучонага

  • 31 август 2012, 15:19
  • 42 715
  • 0

Кандыдатамі жадаюць стаць

  • 21 август 2012, 15:30
  • 36 754
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 921
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 1 декабря 2020
Николай, Платон, Роман

Именины 30 ноября 2020
Геннадий, Григорий, Захар, Иван, Михаил

Госці краін

free counters
Партнеры сайта