Авторизация
 

Настаўніца з Дзісенскай школы Жанна ФРАЛОВА

 Алена БАСІКІРСКАЯ

Фотаматэрыял К. БЛАЖЭВІЧА

Пра настаўніка мяркуюць па яго вучнях — так сцвярджае мангольская прыказка. Падобна гаварыў кітайскі мысліцель Канфуцый. Гэтыя ісціны цалкам падтрымлівае настаўніца працоўнага навучання з Дзісенскай школы Жанна ФРАЛОВА. І перш чым расказваць пра сябе, яна паклікала да размовы сваіх лепшых вучаніц. 

Па сутнасці, рэдакцыя і звярнула ўвагу на Жанну Мечыславаўну па вялікім спісе алімпіяднікаў. Яна сціплая і спакойная па натуры, ганарыцца сваімі таленавітымі вучнямі, у якіх бачыць пачатак і працяг. У Дзісенскай школе працуе з 1985 года, прыехала па размеркаванні з віцебскага педінстытута імя Кірава. Вучылася на мастацка-графічным факультэце па спецыяльнасці выкладчыка чарчэння, малявання і працоўнага навучання.


 Цяга да малюнка, вабнага вобразнага свету ў Жанны Фраловай з пары дзяцінства. Прыгожа маляваў тата, а дзяўчынка ахвотна назірала і спрабавала адлюстраваць свае, пакуль няўпэўненыя, але вельмі натхнёныя штрыхі. З часам пацягнула да вобразнасці ва ўсіх яе праявах, таму невыпадкова любімым прадметам у школе стала працоўнае навучанне, а вяла яго апантаны прафесіянал Таццяна Пацеенак. Дарэчы, скончыла Жанна Мечыславаўна Міёрскую СШ №1, у Міёрах нарадзілася, цяпер праведвае бацькоўскі дом.


На паруках у настаўніцы—вучаніцы з пятага па дзявяты клас. Ахвотна адольваюць праграму, якая для кожнага ўзросту асобная. Па традыцыі, працоўнае навучанне—адзін з любімых урокаў у дзяцей. Але гэта не значыць, што ўсім ён лёгка даецца. Ёсць больш і менш здольныя. Толькі важна не тое. Галоўнае, каб кожная будучая гаспадыня мела ўяўленне пра шыццё, вязанне, вышыўку, кулінарыю, догляд за кветкамі, уборку, дзе таксама свае правілы, выбудаваныя ў алгарытм. Асобным пунктам у праграме заняткаў — этыкет.


Пакрышачку, з кожным урокам, дзякуючы ўседлівасці і стараннасці ў дзяцей многае атрымліваецца. Настаўніца ім прывівае няспешнасць, спакой і цярпенне — галоўныя якасці ў рукадзеллі. Можа, таму складана пералічыць шматлікія конкурсы, дзе адзначыліся выхаванкі Жанны Фраловай. Падзелкі, сувеніры, малюнкі, пано, лялькі… чаго толькі ні стварылі яны сваімі ўмелымі ручкамі. У ліку пераможцаў Паліна Івашчук, Лера Двойніна, Ксенія Мільяновіч, Насця Федарэц, Соф'я Марынчына, Стэфанія Баўтот. Скураное пано Паліны Мятла стала адным з лепшых сувеніраў вобласці. А малюнак Вікі Руткоўскай перамог у рэспубліканскім конкурсе "Мой родны лес". Паважна сядзяць у кабінеце зайчыха і дзяўчынка з букваром. Іх майстравалі алімпіядніцы. Падапечныя Жанны Мечыславаўны асвойваюць валянне з поўсці, пляценне, падзелкі з прыроднага матэрыялу—саломкі, льну, бяросты. Гэта ўсё робяць не толькі на ўроках, але і ў гуртках па суботах.


 У практыцы вопытнага педагога шмат таленавітых дзяцей, ды некаторыя зорачкі разгараюцца асабліва ярка. Гэтаму спрыяюць алім-піяды. Сёлета два дыпломы ІІІ ступені ў раённым этапе заваявалі самыя юныя ўдзельніцы—васьмікласніцы Ксенія Мільяновіч і Валерыя Двойніна. Цяперашнія выпускніцы Паліна Мятла і Вераніка Арлоўская летась сталі лідарамі ў раёне і прывезлі дыпломы ІІІ ступені з вобласці. Некалькі гадоў таму з абласнымі трафеямі вярталіся Ганна Сіцько, Таццяна Кубліцкая. Да слова, алімпіяда — складанае спаборніцтва, дзе акрамя інтэлектуальнага тура, ёсць чатырохгадзінны практычны, складанне тэхналагічнай карты і іншыя нюансы.


Настаўніца ведае, што стаць алімпіяднікам няпроста. Яна паважае сваіх выхаванцаў, і дзякуючы шчыраму водгуку з імі ўдаецца многага дасягнуць. У партфоліа розныя ўзнагароды, у тым ліку грамата Міністэрства адукацыі. Жанна Фралова сёлета занесена на раённую Дошку гонару. Ёсць чым ганарыцца, але найбольшая радасць — задуменныя вучнёўскія вочы. А душу грэе сям'я. Муж — побач у Дзісне. Дзеці ў Мінску, у іх таксама прафесіі з галіны мастацкай графікі. Сын — інжынер-праекціроўшчык, дачка — дызайнер мэблі. Для Жанны Мечыславаўны за шчасце пару разоў у год вырвацца ў сталіцу і акунуцца ў культурныя праграмы. З радасцю вяртаецца ў Дзісну, бо тут шчаслівы размераны лад, якім даражыць. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 625
  • 0

Злавілі рыбку, ды… залатую

  • 28 февраль 2011, 16:16
  • 94 888
  • 0

Інвестыцыйны форум

  • 23 сентябрь 2011, 10:05
  • 90 665
  • 1

  • 11 февраль 2011, 11:20
  • 43 640
  • 0

Пераброддзе 2012. Погляд вучонага

  • 31 август 2012, 15:19
  • 42 720
  • 0

Кандыдатамі жадаюць стаць

  • 21 август 2012, 15:30
  • 36 764
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 922
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 4 декабря 2020


Именины 3 декабря 2020
Александр, Алексей, Анатолий, Арсений, Василий, Владимир, Григорий, Емельян, Иван, Иларион, Иосиф, Исаакий, Макар, Николай, Анна, Татьяна, Фекла

Госці краін

free counters
Партнеры сайта