Пазмагаліся за медалі ў Гарадку

У Гарадку на лыжаролернай трасе фінішавала абласное спартыўна-мастацкае свята "Віцебская лыжня - 2017". Адтуль вярнулася дэлегацыя з Міёр ў складзе васьмі чалавек. 

Праграма ўключала разнастайныя спаборніцтвы, у тым ліку і лыжныя эстафеты з удзелам работнікаў дзяржулады. На лыжні гонар Міёршчыны абаранялі першы намеснік старшыні райвыканкама Вячаслаў Бялько, начальнік аддзела адукацыі, спорту і турызму Аляксандр Жук, старшыня Перабродскага сельсавета Віктар Дзеравянчык і кіраўнік спраў Новапагосцкага сельсавета Тарэза Бараноўская. У сваім забегу занялі шостае месца.

За лідарства ў дартсе змагаліся галоўны спецыяліст упраўлення па працы, занятасці і сацыяльнай абароне насельніцтва Андрэй Рынкевіч і намеснік старшыні камісіі па справах непаўналетніх райвыканкама Сафія Цыркіна. У гіравым спорце ўдзельнічаў галоўны спецыяліст упраўлення па працы, занятасці і сацыяльнай абароне Руслан Карпуць. Ён 18 разоў падняў 24-кілаграмовую гіру.

Прадстаўляла нашу зборную і займалася арганізацыйнымі пытаннямі намеснік начальніка аддзела адукацыі, спорту і турызму Ларыса Малецкая.

Фота з архіва аддзела адукацыі,

спорту і турызму райвыканкама.