Авторизация
 

Неўзаемныя галы

+
Невзаимные голы12-13 сакавіка пяць каманд цалкам аддалі сябе міні-футболу. У ФСК "Атлант" адбылося  першынство сярод арганізацый і прадпрыемстваў раёна ў праграме круглагадовай спартакіяды. Вялікая колькасць галоў, нерэальныя сейвы, відовішчныя гульні напоўненыя адначасова ўпартай  барацьбой і сяброўскімі адносінамі, чырвоныя і жоўтыя карткі, горыч паражэнняў і радасць перамог—усё, што трэба балельшчыкам і ігракам. 

Для такой колькасці ўдзельнікаў аптымальная сістэма розыгрышу—кругавая. Каб выявіць больш фізічна развітых, каманды ў суботу і нядзелю згулялі па дзве гульні. Яшчэ да пачатку ярка выяўляліся лідары і аўтсайдары. Яркі прыклад фаварыту—мясакамбінат, у складзе два легіянеры, як і дазваляецца, астатнія—работнікі прадпрыемства. І ўсе яны ўдзельнікі ФК "Міёры". Гэтую каманду перамагчы нікому і не ўдалося. Хлебазавод не паклікаў у дапамогу легіянераў, у камандзе—толькі свае, за што і паплаціліся. Леташняму чэмпіёну РАНС заставалася наракаць толькі на няўдачу, пачаткоўцу першынства УП ЖКГ не хапіла супольнага духу, а аддзелу адукацыі так і не ўдалося перамагчы мясакамбінат. 

У першы дзень па дзве перамогі ў скарбонцы адукацыі і мясакамбіната вывелі гэтыя каманды ў лідары. Адна вяршыня РАНС пакінула іх у сярэдзіне турнірнай табліцы. Не адчуўшы жаданага смаку, хлебазавод і ЖКГ дзялілі апошні радок. Вынікі першага дня: мясакамбінат - хлебазавод—18:3; ААСіТ - РАНС—6:3; мясакамбінат - ЖКГ—7:1; ААСіТ - хлебазавод—23:3; РАНС - ЖКГ—9:4. 
Ярка супрацьстаялі настаўнікі і РАНС. Летась мацнейшымі былі выратавальнікі. Цяпер усё склалася па-іншаму. Былая крыўда—добры стымул для гульні, менавіта затое аддзел адукацыі паімчаў наперад і павёў у ліку, ды радасць доўжылася нядоўга. 
Калі адышлі ад шоку, выратавальнікі навязалі барацьбу, і на табло пасля першага тайма стала 3:2 на карысць РАНС. Пасля адукацыя паказала, што значыць згуртаванасць калектыву. 4 неўзаемныя галы—і канчатковы вынік 6:3 на карысць ААСіТ.

Другі дзень павінен быў паставіць усе кропкі над "і". Тэарэтычна шанцы на прызёрства заставаліся ва ўсіх, але ў некаторых зусім мізэрныя. Так што асноўная барацьба за медалі разгарнулася паміж выратавальнікамі, выкладчыкамі і камандай мясакамбіната. З гэтага трыа мацнейшым стаў мясакамбінат, пацвердзіўшы статус фаварытаў. Пасля паражэння настаўнікаў ад гэтага прадпрыемства, у РАНС з'явілася верагоднасць абысці адукацыю, але для гэтага павінны абыграць мясакамбінат. А з яго баяздольным складам зрабіць гэта нялёгка, і таму шанцы на серабро развеяліся, бронза для выратавальнікаў стала выніковай. Лік другога дня: мясакамбінат - ААСіТ—5:2; РАНС - хлебазавод—10:2; ААСіТ - УП ЖКГ—5:4; РАНС - мясакамбінат—3:5; хлебазавод - УП ЖКГ—8:10.

Неабходна вылучыць дзве перамогі мясакамбіната. Упэўненае вяршынства над адукацыяй. Як здавалася б спачатку, мітуслівы матч з РАНС, у якім усё ж прадпрыемству ўдалося лідзіраваць. Вынік: 1-е месца—мясакамбінат, 2-е—аддзел адукацыі, спорту і турызму райвыканкама, 3-е—РАНС, 4-е—УЖ ЖКГ, 5-е—хлебазавод. 
Максім ПЛАТОНАЎ.  

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 28 января 2021
Вениамин, Гавриил, Герасим, Иван, Михаил, Павел, Прохор, Елена

Именины 27 января 2021
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Госці краін

free counters
Партнеры сайта