Авторизация
 

Спартыўная сям’яКалі вучыш іншых — паказвай уласны прыклад. Гэты афарызм не раз пацвярджала само жыццё. Менавіта такія словы ў поўнай меры можна аднесці да настаўнікаў фізічнай культуры Івана Іосіфавіча і Святланы Іосіфаўны Гірждаў. На сваіх уроках яны прапагандуюць здаровы лад жыцця, фарміруюць спрыт, вынослівасць, цікавасць да заняткаў спортам. І канешне ж, у першую чаргу выхоўваюць уласным прыкладам. Не раз сям’я, у якой двое дзяцей (Уладзіслаў і Таццяна), удзельнічала ў розных спартыўных мерапрыемствах горада, раёна, вобласці. Не аднойчы яны станавіліся пераможцамі спартыўнага раённага спаборніцтва “Тата, мама, я — спартыўная сям’я”. Таццяна (цяпер студэнтка Полацкага дзяржуніверсітэта) і Уладзіслаў (вучань 8 класа) з малых год прымалі ўдзел у спартыўных спаборніцтвах і займалі прызавыя месцы. І зараз хлопчык —пастаянны ўдзельнік усіх спартыўных мерапрыемстваў у школе і ў раёне. У красавіку прыняў удзел у конкурсе сачыненняў “Віцебшчына алімпійская”. Зусім нядаўна заняў 1-ае месца ў спаборніцтвах па настольным тэнісе сярод міністрантаў Віцебскай дыяцэзіі. Не пакінула спорт і Таццяна, нягледзячы на тое, што вучобе прысвячае больш часу.

Святлана Іосіфаўна — пастаянная ўдзельніца спаборніцтваў “Міёрская лыжня” і мнагабор’я сярод працоўных калектываў раёна. Іван Іосіфавіч — суддзя ўсіх раённых спаборніцтваў. У лютым мінулага года яны падрыхтавалі каманду з вучняў 4-7 класаў, якія сталі ўдзельнікамі тэлевізійнай гульні “Бухта капітанаў”. І ў тым, што дзеці прывезлі дыпломы 1 і 3 ступені, — заслуга настаўнікаў.

2 лютага сям’я Гірждаў была запрошана ў вобласць на сустрэчу з алімпійцамі, дзе падчас вячэрняга шоу ў канцэртнай зале “Віцебск” ім уручылі набор спартыўнага інвентару за актыўны ўдзел у спартыўным жыцці краіны і фарміраванні здаровага ладу жыцця маладога пакалення.

Сваімі ўражаннямі падзяліўся Уладзіслаў: “Я ў захапленні ад таго, што ўбачыў! Перад намі выступалі знакамітыя спартсмены: Вячаслаў Яноўскі, Вадзім Дзевятоўскі, Вольга Барабаншчыкава (яна, дарэчы, вяла канцэртную праграму), міністр спорту і турызму Алег Качан. Перад пачаткам канцэрта наведалі выставу “Спорт для ўсіх”, потым паглядзелі на майстэрства тых, хто займаецца ўсходнімі адзінаборствамі, волатаў-гіравікоў, цыркачоў аршанскай студыі. Падчас канцэрта нам уручылі падарункі. Вельмі хваляваўся, калі разам са сваімі роднымі ўзнімаўся на такую вялікую сцэну. Перад намі выступалі спевакі і танцоры, асабліва мне спадабалася выступленне дзяўчат з віцебскай секцыі мастацкай гімнастыкі і калектыву бальнага танца Мінскага ўніверсітэта фізічнай культуры. А яшчэ мяне і, напэўна, усіх прысутных захапіў комплекс фізічных практыкаванняў на кожны дзень ад Мішкі-алімпішкі, бо было весела ўсім”.

Настаўнікі вельмі ўдзячны начальніку аддзела па фізічнай культуры, спорту і турызму райвыканкама Аляксандру Іванавічу Жуку і намесніку начальніка ўпраўлення па фізічнай культуры, спорту і турызму аблвыканкама Пятру Іосіфавічу Немянёнку.

Праца Івана Іосіфавіча і Святланы Іосіфаўны прыносіць свой плён. Многія вучні і пасля школы не развітваюцца са спортам: паступаюць на спецыяльнасці, звязаныя з фізічнай культурай, з’яўляюцца актыўнымі ўдзельнікамі спартыўных мерапрыемстваў там, дзе працуюць.

А. КРАСОЎСКАЯ,
намеснік дырэктара
па выхаваўчай рабоце
УА “Дзісенская ДАСШ”.
рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 4 июля 2022
Алексей, Георгий, Иван, Максим, Никита, Николай, Павел, Терентий, Федор, Юлиан, Анастасия, Василиса

Именины 3 июля 2022
Андрей, Глеб, Дмитрий, Иван, Наум, Николай, Инна, Римма, Афанасий

Госці краін

free counters
Партнеры сайта