Авторизация
 

Ветэранам Міёршчыны ўзрост не перашкаджае займацца спортам

 У спарткомплексе «Атлант»прайшла трэцяя раённая спартакіяда ветэранаў. Удзельнічалі восем каманд ад пярвічных арганізацый, некаторыя з іх аб’яднаныя. А гэта 45 чалавек. Ёсць нагода гаварыць пра масавасць, пра тое, што людзі ва ўзросце не страцілі цікавасці да спартыўных адзінаборстваў, з’яўляюцца прыхільнікамі здаровага ладу жыцця, імкнуцца разам і з карысцю бавіць час заслужанага адпачынку. 

Спартсмены даўно знаёмыя між сабой, на пастраенні імкнуліся выглядаць салідна, а ў спаборніцтвах дэманстравалі малады запал.
На афіцыйным адкрыцці спартакіяды вітаў удзельнікаў намеснік старшыні райвыканкама Валерый Драба, пажадаў паспяховых выступленняў. Арганізатар і натхняльнік мерапрыемства, кіраўнік раённай ветэранскай арганізацыі Часлаў Кашкур гаварыў пра пэўныя традыцыі і падзякаваў за актыўнасць. Вядучая – начальнік сектара спорту і турызму райвыканкама Ларыса Малецкая – акрэсліла арганізацыйныя пытанні, прадставіла судзейскую калегію на чале з Анатолем Шкетавым і сакратаром Святланай Матуль.
Спартакіяда праходзіла па шасці відах спорту: па лёгкай атлетыцы, фігурным ваджэнні веласіпеда, дартсе і кідках у баскетбольнае кольца на базе спарткомплексу «Атлант» і яшчэ – у ціры і ля тэнісных сталоў у СШ № 2.


 Найбольшае напружанне адчувалася ў аматараў малой ракеткі. Прафесіяналізм тут быў самым наглядным, ва ўсіх сустрэчах пераможцам выйшаў прадстаўнік каманды аддзела па адукацыі Тадэвуш Пухальскі. Наступныя ў турнірнай табліцы – Уладзімір Кандрацкі ад пярвічкі льнозавода і Фёдар Сушко ад «Пад’ельцаў».


Самым трапным стралком з пнеўматычнай вінтоўкі аказаўся былы ваенны Васіль Барчук з «Пад’ельцаў». З ім поруч па выбітых ачках ішоў Леанід Мятла з каманды аддзела па адукацыі. Крыху адстаў былы сувязіст Антон Шадурскі.


Пастаянныя трэніроўкі патрэбны, каб мяч трапляў у баскетбольнае кольца. Не буду сцвяджаць, што не сыходзіў з баскетбольнай пляцоўкі напярэдадні спартакіяды былы работнік ільнозавода Леанід Дземідзёнак, а што не прамахваўся – факт. За ім першае месца. На другім Сяргей Драба ад аддзела ўнутраных спраў, на трэцім – дзісенец Леанід Мішутаў.


 У дартсе ўсё вызначае цвёрдая рука, нават калі яна жаночая. Гэта пацвердзіла прадстаўнік ветэранскай пярвічкі аддзела па адукацыі Галіна Гур’ева, якая набрала рэкордныя 68 ачкоў. Удвая менш у Леаніда Дземідзёнка (льнозавод) і Валянціна Рынкевіча (РАУС).
Двухколавага каня найбольш удала асядлаў Мікалай Вашкель з Дзісны, адпаведна хутчэй за ўсіх адолеў усе перашкоды. Нязначна адсталі Эдуард Масла, які абараняў гонар пярвічкі райсельгасхарчу, і Часлаў Пахірка ад «Пад’ельцаў».


Спаборніцтвы па лёгкай атлетыцы – бег на 60 метраў у мужчын і на 50 у жанчын. Тут бясспрэчным лідарам аказаўся загартаваны на вялікіх спаборніцтвах прадстаўнік пярвічкі з ААТ «Пад’ельцы» Часлаў Мароз. Яго вынік 9,93 секунды – рэкорд спаборніцтваў. Сярод найлепшых бегуноў Мікалай Каранкевіч і Сяргей Драба.


 У жанчын на фінішы першай была Людміла Калачова са зборнай каманды Дзісны, другой – Тамара Яроменак ад пярвічкі льнозавода і трэцяй – Вера Усціновіч (РАУС).


 Удзельнікі спартакіяды, якія занялі індывідуальныя прызавыя месцы ў спаборніцтвах, узнагароджаны медалямі – усяго іх 21, дыпломамі і сувенірамі. Нечаканасцю стала агульнакамандная перамога льнозавадчан – яны набралі 20 балаў па колькасці занятых асабістых месц. У гэтым заслуга кіраўніка пярвічкі і капітана каманды Мікалая Каранкевіча, які сам займаецца спортам і натхняе іншых.


Мінулагодні пераможца – зборная каманда ветэранаў Дзісны – сёлета перамясцілася на другое месца. У яе 25 балаў. На трэцім з 26-цю аказалася каманда аддзела па адукацыі. Лідары адзначаны кубкамі і дыпломамі. Без узнагарод не засталіся і іншыя ўдзельнікі.

Фотаматэрыял Казіміра БЛАЖЭВІЧА.

Леанід МАТЭЛЕНАК.

рейтинг: 
Пакінуць каментар
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 97 712
  • 0

Інвестыцыйны форум

  • 23 сентябрь 2011, 10:05
  • 82 272
  • 1

Злавілі рыбку, ды… залатую

  • 28 февраль 2011, 16:16
  • 67 787
  • 0

Пераброддзе 2012. Погляд вучонага

  • 31 август 2012, 15:19
  • 41 188
  • 0

  • 11 февраль 2011, 11:20
  • 39 770
  • 0

Кандыдатамі жадаюць стаць

  • 21 август 2012, 15:30
  • 36 243
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 316
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 16 ноября 2019
Александр, Богдан, Василий, Викентий, Владимир, Иван, Илья, Иосиф, Кузьма, Николай, Павел, Петр, Сергей, Федор, Федот, Анна, Евдокия, Семен

Именины 15 ноября 2019
Константин

Госці краін

free counters
Партнеры сайта