Кампанія YGS Intelligent Locks выступіць спонсарам II Еўрапейскіх гульняў

 Кампанія YGS Intelligent Locks, вядучы вытворца разумных замкоў на тэрыторыі Кітая, выступіць спонсарам II Еўрапейскіх гульняў. Яна паставіць на многія аб’екты сваю прадукцыю: з ключамі, карткамі, распазнаваннем адбіткаў пальцаў, кіруемыя з дапамогай смартфонаў.

Вызначаны канчатковы склад 24 каманд, якія пазмагаюцца на спаборніцтвах II Еўрапейскіх гульняў па лёгкай атлетыцы. Беларусь, Балгарыя, Кіпр, Чэхія, Данія, Іспанія, Эстонія, Францыя, Германія, Грэцыя, Венгрыя, Ірландыя, Італія, Латвія, Літва, Польшча, Партугалія, Румынія, Расія, Славенія, Швейцарыя, Славакія, Турцыя і Украіна вылучылі 504 спартсменаў.

Еўрапейская легкаатлетычная асацыяцыя зацвердзіла змяненні ў праграму спаборніцтваў. З яе выключаны трэкатлон, прынята рашэнне сфарміраваць дзевяць відаў, дзе будуць разыграны медалі. Акрамя таго, яшчэ адзін камплект узнагарод уручаць лепшым зборным у камандным заліку. Такім чынам, у лёгкай атлетыцы наймацнейшых вызначаць у дзесяці відах праграмы.

Пераможцаў і прызёраў індывідуальных відаў і эстафет назавуць на падставе вынікаў першага дня – 23 чэрвеня – калі адбудуцца матчы кваліфікацыйнага раунда. Узнагародзяць лепшых у дзевяці відах 24 чэрвеня.

Чвэрцьфіналы адбудуцца 25 чэрвеня, паўфіналы – 26-га. Фінал, па выніках якога ўручаць апошні камплект узнагарод, – 28 чэрвеня.