Авторизация
 

У Міёрскім раёне 45 аграэкасядзіб

 У вёску б на пару дзянькоў. Каб глуш і ніякіх машын, камп’ютараў, супермаркетаў. Паслухаць бусліны клёкат, паесці смачнейшых сялянскіх страў. Многія лічаць, што менавіта такі адпачынак здольны разагнаць “дэпрэсію вялікага горада”. Аграэкатурызму ў наш час — пэўная перавага. Як развіваюць гэту паслугу на Міёршчыне, абмеркавалі на мінулым пасяджэнні прэзідыума раённага Савета дэпутатаў.

Па інфармацыі начальніка аддзела адукацыі, спорту і турызму райвыканкама Аляксандра Жука, Міёрскі раён другі ў рэйтынгу раёнаў вобласці па колькасці зарэгістраваных суб’ектаў аграэкатурызму. У нас іх 45. Лідзіруе Браслаўшчына — на яе тэрыторыі 301 сядзіба.
За 2015-2017 гады аграгаспадары Міёршчыны прынялі 3248 турыстаў, з якіх 2852 беларусы і 396 замежных грамадзян. Часцей у нас гасцююць расіяне, нярэдка прыязджаюць з Латвіі, Польшчы, наведваліся нават з Вялікабрытаніі, Швецыі, Ізраіля, ЗША, Шры-Ланкі. За гэты перыяд колькасць адпачывальнікаў вырасла на 28,8%.


Па дадзеных Інспекцыі Міністэрства па падатках і зборах па Віцебскай вобласці, летась суб’екты аграэкатурызму Міёршчыны атрымалі за паслугі 163487 рублёў. На адну сядзібу, якая ажыццяўляе дзейнасць, даводзіцца 4087,18 руб. У той жа час сума ўплачанага збору ў 2017 годзе склала 917 рублёў ці 0,6% ад выручкі.


У сядзіб нашага раёна свае адметнасці і перавагі. Іх гаспадары стараюцца задаволіць патрэбы адпачывальнікаў. Напрыклад, асаблівы каларыт і цёплы прыём забяспечаны ў язненскай аграэкасядзібе “Белыя росы”, дзісенскай “Дастатак”, “Лясная паляна”, што ў Канцэраве. Тут частуюць спрадвечна беларускімі стравамі, якія гатуюць са сваіх экалагічна чыстых прадуктаў. На “Мацейкавай сялібе” у Пераброддзі, у дзісенскай “Алёнушцы” турысты вучацца шыць, вышываць, плесці макрамэ, валяць з авечай воўны, рабіць аплікацыі саломкай. У аграсядзібах “Орцаўскі прыстанак”, “Мазурны бераг”, “Маленькая краіна” прадугледжана ўсё для актыўнага адпачынку.


Гаспадары язненскіх аграсядзіб аб’ядналіся ў турыстычны кластэр. Сумесна арганізуюць музычныя вечарыны, дэманструюць мясцовыя абрады, праводзяць майстар-класы па народных рамёствах, пазнавальныя экскурсіі па славутых у сваёй акрузе мясцінах.


Як адзначылі, пра аграэкасядзібы і маляўнічыя краявіды Міёршчыны інфармуюць каталогі, буклеты. На мяжы з Полаччынай устаноўлены шчыт з картай турыстычнай інфраструктуры “Запрашае Міёрскі раён”. Нашы паслугі рэкламуюць папулярныя сайты. Агратурыстычны патэнцыял прэзентуецца на міжнародных мерапрыемствах, якія праходзяць у Беларусі і за мяжой. У той жа час дынаміка развіцця аграэкатурызму стрыманая. На гэта звярнула ўвагу старшыня раённага Савета дэпутатаў Марыя Баніфатава. Не сакрэт, што сутнасць любога піяру — інфармацыя. Інтэрнэт-сайты маюць толькі восем суб’ектаў. Не хапае інфармацыйных і дарожных указальнікаў. Гэта справа стратная. Аднак менавіта з рэкламы пачынаецца першае знаёмства. Без гэтага кроку не будзе наступнага. Сельскі адпачынак павінен займаць больш месца ў каталогах турфірм. А як інакш пра нашы маляўнічыя краявіды даведаюцца за мяжой?


Трэба распрацоўваць спектр паслуг і ў асенне-зімовы перыяд, бо ў гэты час цікавасць у гасцей да нас мінімальная. Для стварэння комплекснага турыстычнага прадукта цясней супрацоўнічаць з «Ельняй». Ёсць праблемы з харчаваннем. Для адпачывальнікаў яно арганізавана толькі ў 15 сядзібах, і ўсе яны сканцэнтраваны ў наваколлях Язна і Дзісны.


Наогул, для маляўнічага міёрскага краю 45 аграсядзіб — мала. Цяпер кожны, у каго ёсць хатка ў вёсцы, мае магчымасць прымаць гасцей. Указ прэзідэнта “Аб развіцці аграэкатурызму” зняў амаль усе бар’еры. Не трэба мяняць мэтавае прызначэнне ўчастка — набываць яго для вядзення асабістай падсобнай гаспадаркі. Можна будаваць гасцявыя домікі, наймаць работнікаў, праводзіць вяселлі, банкеты.


Згодна з праграмай развіцця і адраджэння сяла, Белаграпрамбанк выдае крэдыты да 2000 базавых на пяць гадоў (фізічным асобам — на сем) у беларускіх рублях. І стаўка льготная—усяго пяць працэнтаў. З 2008-2018 г.г. восем суб’ектаў узялі пазыку на рэканструкцыю і рамонт сельскай сядзібы, што паўплывала на паляпшэнне якасці паслуг. Аднак летась і сёлета жадаючых скарыстацца крэдытам не знайшлося. Магчыма, не ўсім па душы працяглая працэдура збору дакументаў і ўзгадненняў.


Прапануецца і безнаяўнае субсідзіраванне. Беспрацоўныя, якія стаяць на ўліку, могуць звярнуцца ва ўпраўленне па працы, занятасці і сацыяльнай абароне і атрымаць сродкі на будаўніцтва ці рэканструкцыю будынка. Пасля — скарыстацца крэдытам.
На пасяджэнні адзначылі, што ўсе праблемы вырашальныя, толькі неабходны ініцыятыва і зацікаўленасць. 

Даведачна.
У рэспубліцы больш за дзве тысячы аграэкасядзіб прымаюць гасцей. Па дадзеных Міністэрства спорту і турызму ў 2016 годзе іх наведалі звыш 300 тысяч турыстаў, што на 2,5% больш, чым у 2015-ым. Беларусы склалі 90% адпачывальнікаў. Замежных грамадзян налічылі амаль 30,5 тысячы з 74 дзяржаў, у тым ліку 24 тысячы расіян.

Фота Казіміра БЛАЖЭВІЧА.

Наталія СТАНКЕВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 537
  • 0

Інвестыцыйны форум

  • 23 сентябрь 2011, 10:05
  • 55 891
  • 1

Пераброддзе 2012. Погляд вучонага

  • 31 август 2012, 15:19
  • 24 660
  • 0

Кандыдатамі жадаюць стаць

  • 21 август 2012, 15:30
  • 24 388
  • 0

  • 11 февраль 2011, 11:20
  • 23 518
  • 0

Злавілі рыбку, ды… залатую

  • 28 февраль 2011, 16:16
  • 20 987
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 535
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 июня 2018
Василий, Константин, Павел, Федор, Ефрем

Именины 20 июня 2018
Александр, Богдан, Борис, Валентин, Василий, Вениамин, Виктор, Владимир, Григорий, Давид, Иван, Игнатий, Лев, Максим, Михаил, Николай, Павел, Петр, Степан, Тарас, Федор, Федот, Анна, Валерия, Зинаида, Калерия, Мария, Афанасий

Госці краін
free counters
Партнеры сайта