Авторизация
 

Традыцыйныя візіты, прафілактычныя размовы

Міліцэйская біяграфія старшыны Руслана Захарэвіча бярэ адлік з 2002-га года. Пачынаў міліцыянерам-дзяжурным у ізалятары часовага ўтрымання. Пасля, дзякуючы ўменню ладзіць з тэхнікай, стаў вадзіцелем. Руслан Раманавіч завочна атрымлівае вышэйшую юрыдычную адукацыю ў Віцебскім універсітэце імя П. М. Машэрава. Наяўнасць дыплома стане пропускам на афіцэрскую пасаду.

 

Штотыднёва па чацвяргах з 19.00 да 21.00 сем'і, якія знаходзяцца на ўліку ў сацыяльных служб, чакаюць гасцей. Адным вечарам разам з участковым інспектарам ІСН Андрэем Міронавічам Ільніцкім і намеснікам старшыні камісіі па справах непаўналетніх Вольгай Казіміраўнай Чапулёнак у рэйд адправілася карэспандэнт газеты.

 

Першая сям'я, куды завіталі, не так даўно разглядалася на камісіі з-за скандалу, які ўчыніў бацька ў нецвярозым стане. Тады ён абяцаў, што гэта не паўторыцца. На момант нашага візіту бацькі і трое дзетак былі дома. Цеплілася печ, ад якой па пакоях расцякалася прыемнае цяпло. Гаспадар займаўся рамонтам абутку. Расказаў, што паедзе лячыцца ад алкагольнай залежнасці, цяпер шукае работу, звяртаўся ў некаторыя арганізацыі, але адказ яму пакуль не далі.

 

Цёпла і ўтульна было ў доме жанчыны, якая нядаўна нарадзіла дачушку і забрала з дзяржустановы трох старэйшых дзетак. Якраз атрымалася застаць сужыцеля жанчыны. Праўда, так яго наўрад ці можна назваць. З сям'ёй пакуль не пражывае, але сказаў, што збіраецца пераехаць да маці сваіх дзяцей. Жанчына была засмучана тым, што ў той вечар яе спадарожнік збіраўся пайсці дадому адзначаць уласны дзень нараджэння. Пакуль прадстаўнікі камісіі гутарылі з дарослымі, малыя ў суседнім пакоі гулялі ў школу.

 

"Ну вось, выгляд свежанькі, прыгожы", — прывітаўшыся, сказала Вольга Казіміраўна маладой жанчыне. Маці, бацька і маленькія дзеткі знаходзіліся дома, і на гэты раз усё было ў парадку. Відаць, ранейшы выпадак, калі камісія застала бацькоў у нецвярозым стане, стаў для іх урокам. Спыталі, як цяпер справы са спіртным. "Дорага яно", — пажартаваў у адказ гаспадар. Калі грашовыя сродкі і далей будуць траціцца правільна, сям'ю здымуць з уліку.

 

Дзверы наступнай кватэры адчыніў гаспадар. У жыллі прыбрана, акуратна. Жонка была на працы. Сам малады мужчына пакуль працаўладкавацца не можа. Гаварыў, што звяртаўся ў некаторыя арганізацыі і цэнтр занятасці, але безвынікова. Раней ён жыў і працаваў у Віцебску, а калі ажаніўся, вярнуўся ў родны горад, бо жонка адсюль з'язджаць не захацела. Будзе працягваць пошукі работы.

 

Гаспадыню дома знайшлі ў суседзяў. Сказала, што зайшлася туды на некалькі хвілін. Можа і так, бо ў хаце святло не загасіла і пакінула ўключанай газавую пліту, на якой гатавалася вячэра. Трымалася жанчына ўпэўнена, нават тое, што не так даўно яе бачылі ў нецвярозым стане, адмаўляла. Заверыла, што паціху прыводзіць у парадак дом, куды нядаўна пераехала. Яе непаўналетняга сына дома не было. Сказала, што той знаходзіцца ў старэйшай сястры. Туды мы і накіраваліся, бо сям'я маладой жанчыны таксама знаходзіцца на ўліку.

 

Маці дома не засталі, адсутнічала па ўважлівай прычыне. За трыма дзецьмі прыглядаў яе малодшы брат. А яшчэ вартаваў сваіх юных гаспадароў маленькі чорны сабачка. У доме было цёпла, а вось над чысцінёй і парадкам маладой гаспадыні трэба папрацаваць.

 

"Цішэй. Малая спіць", — папярэдзіла жанчына, адчыніўшы дзверы кватэры. Як потым прызналася, думала, што гэта муж наведаўся. З нядаўняга часу бацька яе дзяцей стаў нежаданым госцем, бо невядома, з чым ён прыйдзе. Неадэкватныя паводзіны мужчыны вельмі палохаюць яго сям'ю. Жанчына падавала на развод, калі яшчэ была цяжарная, але муж не пажадаў скасоўваць шлюб. За падказкай, як паступаць у такой сітуацыі, параілі звярнуцца да юрыстаў.

 

"А што гэта вы на ўлік трапілі як нядобранадзейная сям'я?" — запыталі ў гаспадара наступнай кватэры. "Я на заробках быў, адкуль ведаю, што робілася", — адказаў ён і дабавіў: — Пілі тут…" З гаспадыняй пагутарыць не ўдалося, бо яна была на працы. Мужчына расказаў, што ў сужыцельніцы праблемы з былым мужам, які не выплочвае аліменты на дзяцей. Іх агульнай дачушцы амаль тры гады, але ў садку, па словах бацькі, пакуль чарга. Паабяцалі дапамагчы вырашыць гэтае пытанне.

 

Апошні адрас у спісе — сям'я, у якой двое непаўналетніх сыноў. Адзін вучыцца ў ліцэі, другі яшчэ школьнік. Маці хлопчыкаў нідзе не працуе, але да школы дайсці часу не знаходзіць. Бацькоў папярэдзілі, што трэба кантраляваць вучобу дзяцей і часцей бываць у школе.

 

Кацярына СУРАВЕЦ

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 424
  • 0

Злавілі рыбку, ды… залатую

  • 28 февраль 2011, 16:16
  • 91 554
  • 0

Інвестыцыйны форум

  • 23 сентябрь 2011, 10:05
  • 89 698
  • 1

  • 11 февраль 2011, 11:20
  • 42 877
  • 0

Пераброддзе 2012. Погляд вучонага

  • 31 август 2012, 15:19
  • 42 598
  • 0

Кандыдатамі жадаюць стаць

  • 21 август 2012, 15:30
  • 36 658
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 761
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 30 сентября 2020
Дмитрий, Зиновий, Иван, Илья, Мирон, Павел, Александра, Вера, Ирина, Любовь, Надежда, Софья

Именины 29 сентября 2020
Алексей, Виктор, Григорий, Иосиф, Сергей, Людмила

Госці краін

free counters
Партнеры сайта