Авторизация
 

Сям’я НЕМЯНЁНКАЎ з Павяцця: Дзень нараджэння - у Новы год

 2021 год маладая сям’я Дзмітрыя і Таццяны НЕМЯНЁНКАЎ з Павяцця будзе сустракаць дома. Павіншуюць адзін аднаго з новай старонкай у жыцці, пацалуюць і абдымуць сваіх любімых дачушку Дарыну і сыночка Жэню, якому 1 студзеня споўніцца адзін год.

 

«Заходзьце, калі ласка!» – прыветна запрашаюць маладыя бацькі. Усміхаецца незнаёмым гасцям Дарынка. Цікаўнымі блакітнымі вачыма пазірае на нас Жэнечка. З ім бачыліся амаль год таму ў раённай бальніцы: шчаслівая маці трымала на руках сыночка, які з’явіўся на свет 1 студзеня 2020-га ў 19.10. Медработнікі тады так і не ўзгадалі, калі ў апошні раз на Міёршчыне нараджаліся дзеткі ў першы дзень года.

 
Ва ўтульным доме Немянёнкаў прыбрана елка. Цацкі на галінкі ўсёй сям’ёй вешалі. Праўда, Жэню больш падабаецца здымаць елачныя шары. Пакуль гутарым з яго татам і мамай, некалькі разоў падбягае да навагодняга дрэўца за чарговай забавай.

 
Першынец Міёршчыны – 2020 расце здаровым, рухавым і цікаўным хлопчыкам. У дзесяць месяцаў пачаў хадзіць. Смела бегае з аднаго пакоя ў другі. Любіць гуляць на свежым паветры і назіраць у акно за тым, што на вуліцы дзеецца. З апетытам праблем не мае, а найлепшы ласунак для яго – мясныя стравы, асабліва катлеты. Што тут скажаш – мужчына. Хоць яшчэ маленькі. Весела гутарыць на сваёй анёльскай і пакуль яшчэ не ўсім зразумелай мове. Разам з сястрычкай катае на калясцы яе лялек і глядзіць мультфільмы, самы любімы з якіх – «Падказкі Булькі».

 
Дарына любіць браціка, хоць прасіла ў таты з мамай сястрычку. Даглядае малога, гуляе з ім. Маміна памочніца сочыць за парадкам у сваім пакоі, заўсёды прыбірае за сабой цацкі. На Новы год для сябе падарункаў у Дзеда Мароза не прасіла. Вырашыла парадаваць ляльку Насцю ванначкай і стульчыкам для кармлення, а для Барбі заказала дзвюх сябровак. Клапатлівая дзяўчынка.

 
Дзеці – шчасце і радасць бацькоў. Ахінаюць іх любоўю і клопатам, стараюцца забяспечыць усім неабходным. Дзмітрый працуе інжынерам у філіяле «Павяцце». Работы не баіцца, падчас уборачнай кампаніі да цямна заняты на камбайне.

 
– Хочацца добры прыбытак мець для сям’і, дом добраўпарадкоўваць, – заўважае ён. – Плюс работы ў сельскай гаспадарцы ў тым, што жыллё прадастаўляецца. Здымаць яго – рэч затратная. Нам хочацца перавесці атрыманы ад гаспадаркі дом у сваю ўласнасць. Час пакажа.
Першае жаданне, якое загадаюць маладыя бацькі пад бой курантаў, – каб родныя і блізкія былі здаровымі. Пандэмія каронавіруса сёлета дабавіла перажыванняў і падкрэсліла, што здароўе – самая вялікая каштоўнасць.

 
Галоўнай падзеяй года для Дзмітрыя і Таццяны стала нараджэнне сына. 16 студзеня 2021-га адзначаць яшчэ адну важную дату – споўніцца пяць гадоў іх сямейнаму саюзу.

 

Кацярына РЫНКЕВІЧ

Фота Казіміра БЛАЖЭВІЧА.

рейтинг: 
Пакінуць каментар
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 января 2021
Василий, Виктор, Владимир, Георгий, Григорий, Дмитрий, Евгений, Емельян, Иван, Илья, Михаил, Юлиан, Василиса, Доминика

Именины 20 января 2021
Василий, Иван, Афанасий

Госці краін

free counters
Партнеры сайта