Авторизация
 

Атрымалі пасведчанні аб нараджэнні малых у Сусветны Дзень дзіцяці

 Сусветны Дзень дзіцяці адзначалі 20 лістапада. З гэтай нагоды ў аддзеле загса правялі ўрачыстасці для міярчан, якія рэгістравалі нараджэнне дзяцей.

У сям’і Валерыя і Інгі Масальскіх 9 лістапада нарадзілася дачушка. Дзяўчынку назвалі Марыяй. За яе першым дакументам у аддзел загса завітаў тата.


– Гэта наша другое дзіця. Хто будзе – хлопчык ці дзяўчынка – для нас было непрынцыпова, – гаворыць Валерый. – Сыну Аляксею чатыры гады. Расказвае сябрам у садку, што ў яго з’явілася сястрычка. Рады ўнучцы дзядулі і бабулі, яны таксама ў Міёрах жывуць.
Сынок Сцяпан у сям’і Аляксандра і Наталлі Смулько з’явіўся на свет 4 лістапада. Таксама другое дзіця. Яго пасведчанне аб нараджэнні забрала маці. Расказала, што імя хлопчыку даў старэйшы сын Максім, які вельмі чакаў браціка.


 Разам з першымі дакументамі немаўлят начальнік аддзела загса Ірына Юхно ўручыла невялікі сувенір. Заўважыла, што роля бацькоў важная і прыемная, пажадала быць добрымі прыкладамі для сваіх дзяцей.

ДЛЯ ДАВЕДКІ

Сусветны Дзень дзіцяці зацверджаны рэзалюцыяй Генеральнай Асамблеі ААН у 1954 годзе. Свята скіравана на паляпшэнне дабрабыту дзяцей.
20 лістапада 1959 года была прынята «Дэкларацыя правоў дзіцяці», у гэты ж дзень у 1989-м – «Канвенцыя правоў дзіцяці».
У гэты дзень праходзяць акцыі, скіраваныя на абарону правоў непаўналетніх.

Фотаматэрыял аўтара.
Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 апреля 2021
Алексей, Георгий, Марк, Николай, Платон, Семен

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Госці краін

free counters
Партнеры сайта