Авторизация
 

Сям’я Юрыя і Марыны ГАНЕБНЫХ з Сіцькова

 Сям’і Юрыя і Марыны ГАНЕБНЫХ 23 гады, а іх каханне пачалося за школьнай партай. Асаблівым у сваёй сямейнай гісторыі Ганебныя лічаць месяц ліпень. У сярэдзіне лета нарадзіліся іх дзеці. З уласнага вопыту Юрый і Марына ведаюць: у арсенале сродкаў выхавання павінна быць сельская праца. Разам з бацькамі сушаць сена і капаюць бульбу дарослыя Насця і Кірыл, разглядае ў газеце трактары і падносіць дровы да печы Макар, якому ідзе другі год.

АПОЎДНІ ў доме цішыня. Спіць маленькі Макар. Каб не трывожыць яго сон, тата з мамай адкладваюць хатнія справы або стараюцца рабіць іх цішэй. Да таго ж вясеннім днём і на падворку клопатаў нямала.


– Ледзь дачакалася, пакуль зіма скончыцца. Па працы на зямлі сумавала, – гаворыць гаспадыня. – Агарод садзім, падабаецца кветкі вырошчваць. Мае любімчыкі – ружы, лілеі, бальзамінкі і аксаміткі.


Акрамя кветак на выкладзеных камянямі клумбах упрыгожваюць сядзібу садовыя фігуры. Іх дораць старэйшыя дзеці і пляменнікі.
Зусім па-іншаму выглядаў падворак, калі толькі атрымалі жыллё ў Сіцькове. Не было гаспадарчых пабудоў, тэрыторыю засцілаў бур’ян. Абкасілі, акультурылі, выкапалі калодзеж, пабудавалі лазню. З часам прыватызавалі дом, які належаў мясцовай гаспадарцы. Стараюцца, каб у ім было ўтульна самім, дзецям, родным і сябрам, якія часта прыязджаюць пагасцяваць.


ПАРАДАК і ў двары, і ў хаце. Калі на вуліцы квецень толькі цёплай парой, то ў пакоях круглы год зелена. На паліцах шафы – фотаздымкі дзяцей. Старэйшая Анастасія другі год працуе фельчарам у Мікалаёўскім ФАПе, завочна вучыцца ў БДУ. Жыве з бацькамі, дапамагае па гаспадарцы. Чысціня ў хаце – яе сфера адказнасці. Кірыл скончыў політэхнічных каледж у Наваполацку. У лістападзе мінулага года пайшоў у армію, служыць у Мар’інай Горцы ў войску спецыяльнага прызначэння.


 – У Насці з Кірылам адзін на дваіх дзень нараджэння – 18 ліпеня. Толькі з розніцай у два гады. Малодшы Макар нарадзіўся ў 2017-м 17 ліпеня. Адзін дзень не дачакаўся, – усміхаецца маці. – Усе дзеці з’явіліся на свет у Наваполацку. Заўважыла, што бірачкі Насці і Макара напісаны адным і тым жа почыркам. А розніца ў дваццаць год. Цікавае супадзенне.


УСЕ тры бірачкі беражліва захоўваюцца ў сямейным архіве. Папоўнілі яго два пісьмы ад Кірыла. Сучасным салдатам зручней трымаць сувязь з бацькамі і сябрамі па мабільным тэлефоне.


– Тэлефануе нам у выхадныя дні і на святы. Па буднях мабільнікі ім не выдаюць, – гаворыць Юрый Аляксеевіч. – А я з арміі пісьмы пісаў.
– Тыя лісты і цяпер берагу, – дадае Марына Сяргееўна. – Мы з юнацтва разам. Я родам з Мікалаёва, Юра – з Ліпаціна. Пазнаёміліся, калі я пасля Мікалаёўскай дзевяцігодкі прыйшла вучыцца ў дзясяты клас Сіцькоўскай сярэдняй школы. Школьнае каханне вытрымала армейскую службу і бытавыя складанасці, дало пачатак новаму жыццю, замацавалася на фундаменце ра- зумення і працавітасці.


ДОМ у невялікай, аддаленай ад горада вёсцы стаў для Юрыя і Марыны Ганебных астраўком дабрабыту, утульнасці і спакою.
– Наўрад ці змагла б жыць у горадзе. Мне там дыхаць няма чым. Бацькі змалку прывучылі да працы на зямлі, без гэтага сябе не ўяўляю, – кажа Марына Сяргееўна. – Галоўнае, каб здароўе было. Тады ўсё па плячы.


Гаспадары Ганебныя трымаюць дзвюх кароў і быка. Дружна рохкаюць у хляве свінні, пра штосьці кудахчаць на падворку куры. Калі жывёла занядужыць, гаспадыня сама вылечыць. Пакуль працавала загадчыцай на ферме, асвоіла ветэрынарную справу. І ў спецыяльнай літаратуры, што дома на паліцы, можна падказкі знайсці.


Хапае бульбы і на продаж, і сабе да новага ўраджаю. Кожны год чырванеюць вішні. Мінулае лета засыпала чарэшнямі, слівамі і яблыкамі. Недалёка да лесу і балота, куды ходзяць па чарніцы, брусніцы і журавіны. Заўжды ёсць з чаго прыгатаваць буднія сняданкі-абеды-вячэры і святочны стол. Новы год, Вялікдзень і іншыя святы адзначаюць усёй сям’ёй і для кожнай нагоды – асобнае меню.


ЛЮБІЦЬ пакулінарыць гаспадыня проста для душы. Ва ўласнай бібліятэцы шмат кніг з рэцэптамі. А яшчэ па рукадзеллі. Вяжа кручком. У літаратуры пра выхаванне дзяцей знайшла цікавыя развівальныя гульні для малодшага сына. Маленькі Макар – другая маладосць бацькоў, прыемны клопат старэйшых сястры і брата, шчаслівае прадаўжэнне добрай сямейнай гісторыі. 

Фотаматэрыял Казіміра БЛАЖЭВІЧА і з архіва сям’і  Ганебных.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 624
  • 0

Інвестыцыйны форум

  • 23 сентябрь 2011, 10:05
  • 78 088
  • 1

Злавілі рыбку, ды… залатую

  • 28 февраль 2011, 16:16
  • 50 880
  • 0

Пераброддзе 2012. Погляд вучонага

  • 31 август 2012, 15:19
  • 39 925
  • 0

  • 11 февраль 2011, 11:20
  • 38 668
  • 0

Кандыдатамі жадаюць стаць

  • 21 август 2012, 15:30
  • 35 463
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 422
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 мая 2019
Герман, Денис, Иван, Петр, Федор, Евдокия, Семен, Филипп

Именины 24 мая 2019
Александр, Иосиф, Кирилл, Константин, Михаил, Ростислав

Госці краін
free counters
Партнеры сайта