Авторизация
 

Міхаіл і Зоя Івановы. Іх сямейнае гняздзечка ў Слабадзе

 Калі дзевяць год таму ІВАНОВЫ атрымалі дом у  Слабадзе, адразу набылі карову. З часам колькасць гадаванцаў на падворку павялічылася.

Міхаіл і Зоя Івановы разам са школьнай пары. У мінулым годзе адзначылі ружовае вяселле (10 год сямейнага жыцця). Выхоўваюць траіх дзетак, трымаюць вялікую гаспадарку, заняты ў ААТ “Гвардзейскі”. Сельскай працы не баяцца, бо змалку да яе прывыклі. Як і да вясковага прыволля, утульнасці, цішыні, перад якімі пасуе гарадскі камфорт.

БАДЗЁРА расказвае 31-гадовая гаспадыня пра свае штодзённыя справы:
— Зімой прасцей. Каровам ваду ў поле насіць не трэба, на агародзе і падворку клопатаў няма. Таму можна паспаць да шасці раніцы. Летам у 4.30 пад’ём, а спаць пасля апоўначы кладуся. Хоць недахоп сну і фізічная праца стамляюць, але работу з ахвотай раблю. Люблю сваіх кароў. Зараз іх тры, хацелася б чацвёртую.


Яшчэ на вясковым падворку два бычкі, свінні і парасяты, куры. Усіх трэба дагледзець: накарміць, напаіць, вычысціць. Міхаіл і Зоя спраўляюцца разам. У кожнага свае абавязкі. Гаспадыня корміць гадаванцаў, гаспадар носіць ім ваду, сочыць за парадкам у хляве. З нарыхтоўкай сена прасцей — дапамагае мясцовае ААТ “Гвардзейскі”. Сваім работнікам, якія трымаюць кароў, прывозяць гатовыя рулоны.
Міхаіл у гаспадарцы галоўны аграном. Зоя працуе жывёлаводам, даглядае цялят на дарошчванні.


 ПРЫКЛАД працавітасці бяруць з бацькоў дзеці. Хоць яшчэ малыя, чым могуць, дапамагаюць. Старэйшая Маргарыта — вучаніца чацвёртага класа — і ў хаце прыбярэ, і посуд вымые, улетку агарод праполіць і паліе, кароў з поля прывядзе і бычкоў напоіць. Не адстае ад сястрычкі першакласнік Макар. Падрастае яшчэ адна памочніца — чатырохгадовая Варвара.


У занятых на працы і па ўласнай гаспадарцы таты і мамы ёсць час адпачыць з дзецьмі.
— Часта бываем у Верхнядзвінску. Гуляем у “Лясной казцы”, на каньках катаемся. Калі ў мужа паехаць не атрымліваецца, сама саджуся за руль, — расказвае Зоя. — Пакупкі і забавы — адзінае, чым нас вабіць горад. Жыць там было б сумна. Чым заняцца без гаспадаркі і клопатаў па доме? Жыллё мы прыватызавалі, робім рамонт. Лазня ёсць. У планах — альтанка ў двары і арэлі для дзяцей. Сад будзем садзіць.


БОЛЬШАЯ частка сямейных даходаў — з працы ўласных рук. Так, летам за здадзенае малако атрымліваюць каля тысячы рублёў за месяц. У магазінах праходзяць міма паліц з гароднінай, яйкамі, мясной і малочнай прадукцыяй, бо ёсць сваё. Вядома, для гэтага трэба прыкласці нямала сіл і старання. Без выхадных і водпускаў клапоціцца маладая сям’я пра свой дабрабыт. Дружна, заўзята, без скарг на сельскія турботы.


 — Сяброўкі часам жартуюць, дзе ў мяне батарэйкі схаваны, — усміхаецца Зоя. — А я проста люблю  займацца гаспадаркай. З дзяцінства на зямлі працую. Памятаю, як разам з трыма братамі ад раніцы да вечара сена нарыхтоўвалі. Яшчэ ў школу не хадзіла, а карову даіць умела. Цяпер можна было б купіць даільны апарат, але мне прывычней рукамі.


Звяртаю ўвагу на сучасны манікюр гаспадыні. Гаворыць, пазногці ў рабоце не перашкаджаюць.
— А раней у мамы валасы доўгія былі, — дадае дачушка Маргарыта.


— Давялося падкараціць, з імі больш турбот, — гаворыць Зоя Анатольеўна. — Але прычоску не запускаю, наведваю цырульню. Мне падабаецца сачыць са сабой. Так праводжу вольныя хвіліны. Гэта дадатковая крыніца пазітыву.


Шматдзетная мама і клапатлівая гаспадыня знаходзіць час сустрэцца з сяброўкамі. Словам, паспявае шмат. І няма ніякага сакрэту ў яе энергічнасці. Ёсць узаемаразуменне ў сям’і, працавітасць і любоў, якой напоўнены дні. 

Фотаматэрыял Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 95 522
  • 0

Інвестыцыйны форум

  • 23 сентябрь 2011, 10:05
  • 73 974
  • 1

Злавілі рыбку, ды… залатую

  • 28 февраль 2011, 16:16
  • 41 820
  • 0

Пераброддзе 2012. Погляд вучонага

  • 31 август 2012, 15:19
  • 37 847
  • 0

  • 11 февраль 2011, 11:20
  • 36 568
  • 0

Кандыдатамі жадаюць стаць

  • 21 август 2012, 15:30
  • 34 491
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 23 476
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 февраля 2019
Александр, Алексей, Андрей, Аркадий, Борис, Василий, Георгий, Дмитрий, Иван, Иосиф, Кирилл, Михаил, Николай, Петр, Сергей, Федор, Юрий, Анна, Екатерина

Именины 16 февраля 2019
Адриан, Василий, Владимир, Иван, Михаил, Николай, Павел, Роман, Тимофей, Анна, Семен

Госці краін
free counters
Партнеры сайта