Авторизация
 

Надвор'е ў доме Глінскіх з Дзісны залежыць ад кожнага ў сям'і

 Надвор'е ў доме залежыць ад настрою і цеплыні тых, хто ў ім жыве. Так лічаць у сям'і ГЛІНСКІХ з Дзісны.Уладзіміру і Ганне Глінскім сёлетні год запомніцца прыемнымі і важнымі падзеямі. Вясной пабывалі з дзецьмі ў мінскім аквапарку, летам наведалі Мір і Несвіж. У верасні на свяце "Жураўлі і журавіны Міёрскага краю" атрымалі ўзнагароду за добраўпарадкаванне сядзібы, у лістападзе адзначылі 15-годдзе сямейнага жыцця.

 НАВАТ у чорна-белы зімовы дзень сядзіба Глінскіх выглядае прывабна. Чырвоная бетонная агароджа, атынкаваныя сцены дома з дэкаратыўнымі элементамі з дробнага каменю, акуратныя пабудовы на падворку. Улетку дадаюць яркіх колераў петуніі, ружы і аксаміткі.
— Заўзятым кветкаводам сябе не назаву. Проста люблю, калі навокал прыгожа. Кветкі — найлепшае аздабленне, — гаворыць Ганна.
УТУЛЬНЫ знешне і знутры дом сведчыць пра дбайнасць і працавітасць гаспадароў. Падтрымліваць парадак і весці хатнія справы дапамагаюць дзеці. Дачцэ Алене трынаццаць год, вучыцца ў восьмым класе. Удзельнічае ў конкурсах па школьных прадметах, што пацвярджаюць шматлікія медалі. Сын — шасцікласнік Саша — захапляецца спортам, абараняе гонар школы на спаборніцтвах па лёгкай атлетыцы, вучыцца іграць на гітары. Ёсць у брата і сястры агульныя інтарэсы. Займаюцца танцамі ў мясцовым Цэнтры культуры, чытаюць Гары Потэра, даглядаюць хатніх гадаванцаў — ката, папугая і акварыумных рыбак. Бацькі падтрымліваюць захапленні дзяцей, выхоўваюць у іх працавітасць і адказнасць. Строгае пакаранне за правіннасці — не пусціць у вёску на выхадныя і канікулы.


 КІЛАМЕТРАЎ пятнаццаць аддзяляюць ад малой радзімы. Уладзімір з Сіцькова, Ганна з Капыльшчыны. Заканчвалі Сіцькоўскую школу. Бліжэй пазнаёміліся, калі Аня пасля каледжа прыехала працаваць бухгалтарам у мясцовую гаспадарку. У хуткім часе згулялі вяселле. Абодва не любяць гарадскі шум, таму вырашылі віць сямейнае гняздзечка ў ціхай правінцыі.


ТРЭБА дома бываць часцей, трэба дома бываць не госцем, пісаў паэт. Для Уладзіміра і Ганны родныя мясціны застаюцца надзейным прыстанкам. Прыязджаюць сюды раз, а то і больш на тыдзень. Удзячныя бацькам за выхаванне, клопат і падтрымку, дапамагаюць па гаспадарцы. На сельскіх падворках хапае спраў ад ранняй вясны да позняй восені.


 СУСТРАКАЦЬ Новы год сям'я будзе разам. Так бывае не заўсёды. У мінулую навагоднюю ноч Уладзімір дзяжурыў на службе. Ён выратавальнік пажарнай часці ЛВДС "Дзісна" з васемнаццацігадовым стажам. Па традыцыі, напішуць свае жаданні на лістках паперы і спаляць іх пад бой курантаў. Усе, акрамя гаспадара.


— А я буду мары выконваць, — усміхаецца Уладзімір.
— Нічога асаблівага не загадваю, — заўважае Ганна. — Самае галоўнае, каб былі здаровымі родныя і блізкія.
 СІМВАЛ наступнага года — сабака. У Глінскіх ёсць свой вартаўнік. З лайкай Рэксам гаспадар ходзіць на паляванне. Уладзімір і Ганна не надаюць увагі прагнозам і прадказанням. На іх думку, сямейнае шчасце і дабрабыт залежаць не ад знакаў задыяка, сімвалаў года і таму падобнага. Першачарговая роля за разуменнем, узаемапавагай, працавітасцю, клопатам і любоўю. 

Кацярына РЫНКЕВІЧ.

Фотаматэрыял Казіміра БЛАЖЭВІЧА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 621
  • 0

Злавілі рыбку, ды… залатую

  • 28 февраль 2011, 16:16
  • 94 692
  • 0

Інвестыцыйны форум

  • 23 сентябрь 2011, 10:05
  • 90 632
  • 1

  • 11 февраль 2011, 11:20
  • 43 622
  • 0

Пераброддзе 2012. Погляд вучонага

  • 31 август 2012, 15:19
  • 42 719
  • 0

Кандыдатамі жадаюць стаць

  • 21 август 2012, 15:30
  • 36 760
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 921
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 2 декабря 2020
Адриан, Александр, Валентин, Вениамин, Геннадий, Герасим, Григорий, Денис, Дмитрий, Иван, Игнатий, Иларион, Константин, Леонид, Михаил, Петр, Порфирий, Сергей, Тимофей, Федор, Яков, Семен

Именины 1 декабря 2020
Николай, Платон, Роман

Госці краін

free counters
Партнеры сайта