Авторизация
 

Кветкавае шчасце сям'і Малахоўскіх з Волкаўшчыны

 Кацярына РЫНКЕВІЧ.

Фота аўтара.

На вуліцы Маладзёжнай у Волкаўшчыне абавязкова звернеш увагу на невялікі цагляны дом з драўлянай бірузовай верандай у акружэнні кветак. Побач з сядзібай высокія ліпы, у двары — вінаграднікі. Тут жывуць Віктар Тадзівонавіч і Алена Фрасанаўна МАЛАХОЎСКІЯ.

Усмешлівая гаспадыня паказвае кветнік. Расказвае, што цвіло на клумбах вясной, што шмат квецені папсавалі дажджы, што хутка распусцяцца гладыёлусы. Кветкі яе акрыляюць.


— Паглядзіш — якія яны прыгожыя! І адразу настрой добры, — гаворыць гаспадыня. — Люблю кветкі. Муж і дзеці на святы заўсёды мне іх дораць. І ў букетах, і ў вазонах.


Віктар Тадзівонавіч таксама за кветкавую эстэтыку. Падтрымлівае жонку ў справе добраўпарадкавання сядзібы. Кожны год на ёй з'яўляецца што-небудзь новае. Напрыклад, падстаўкі для петуній з колаў ад воза. 


 — Трапіліся на вочы старыя колы, і ўзнікла ідэя, як іх прымяніць, — кажа гаспадар.


Паміж двума падстаўкамі драўляная лаўка. Адпачываюць на ёй зрэдку, бо дома шмат спраў. Гадуюць дзвюх кароў, свіней і птушку, даглядаюць агарод і цяпліцы з памідорамі, збіраюць маліну ў садзе, ліпавую квецень ля дома і духмяныя травы на лузе, падтрымліваюць парадак у хаце і двары.  


Віктар Тадзівонавіч дома бывае больш. Працуе ў "Актаме" па графіку суткі праз трое. Успамінае, як вяртаўся познім вечарам, а раніцай зноў на працу:


— Амаль трыццаць год прайшло ў мясцовым калгасе. Вадзіцелем быў, летам — на камбайне. Сена для сваіх кароў касілі і вазілі ўначы. Іншага часу не выпадала.


У Алены Фрасанаўны адзіны запіс у працоўнай кніжцы. Загадвае сельскім магазінам. Родам з Пераслова, у Волкаўшчыну прыехала ў сярэдзіне 80-х. За прылаўкам і заўважыў яе будучы муж. У іх была цікавая вясёлая маладосць. Прыгадваюць, як ездзілі з канцэртамі па ваколічных вёсках з іншымі самадзейнымі артыстамі.


Пераадолелі цяжкасці 90-х. Калі ў калгасе па некалькі месяцаў не плацілі заробак і з даходаў мелі толькі дапамогу па догля-дзе за дзіцяці. Але і тады летам у двары красавалі кветкі. А за зіму гаспадар змайстраваў трактар, які застаецца незаменным памочнікам.
Умелым рукам падуладны і метал, і дрэва. Пару год таму з сынам на гарышчы пабудавалі два ўтульныя пакоі. З драўлянымі сценамі і ацяпленнем. Зімой гэта самае цёплае месца ў хаце.


— Дом у нас невялікі, а сям'я расце. Вось і пашырылі тэрыторыю, — заўважаюць гаспадары.


 На шафе вясельны здымак у рамцы. На ім сын Леанід з маладой жонкай Алай і сваімі роднымі. Ажаніліся мінулым летам. Малодшая дачка Ганна тады скончыла ўніверсітэт. Дзеці дружныя, шмат падарожнічаюць і стараюцца часцей наведвацца да бацькоў. З Віцебска, дзе працуе ў мостабудаўнічым упраўленні Лёня, і з Мінска, дзе ўладкавалася архівістам Аня, шлях няблізкі. Але што такое адлегласць у параўнанні з цеплынёй і энергетыкай бацькоўскага дома. Выхаваныя працай, дзеці з ахвотай бяруцца за гаспадарчыя справы. Сушаць сена, поляць агарод, капаюць бульбу. І любяць фатаграфавацца ў прыгожым двары з кветкамі.
За домам драўляная альтанка. Гаспадар змайстраваў яе з бярвенцаў, што не пайшлі на дровы. Побач мангал. На ім смажаць шашлыкі. У госці часта прыязджае радня. Частуюць іх натуральным вінаградным сокам і сваёй фірменнай стравай— фаршыраваным шчупаком.
Напрыканцы жніўня Малахоўскія адзначаць 29-ю гадавіну сумеснага жыцця. Ва ўтульным доме, з віншаваннямі ад блізкіх. І, вядома, з кветкамі, што застаюцца іх спадарожнікамі, радуюць вока і цешаць душу.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 75 652
  • 0

Інвестыцыйны форум

  • 23 сентябрь 2011, 10:05
  • 33 687
  • 1

Кандыдатамі жадаюць стаць

  • 21 август 2012, 15:30
  • 12 338
  • 0

Пераброддзе 2012. Погляд вучонага

  • 31 август 2012, 15:19
  • 11 366
  • 0

Злавілі рыбку, ды… залатую

  • 28 февраль 2011, 16:16
  • 10 922
  • 0

  • 11 февраль 2011, 11:20
  • 10 357
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 3 865
  • 2
Курс валют в Беларусь
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 сентября 2017
Андрей, Василий, Гавриил, Глеб, Евгений, Иван, Климент, Константин, Николай, Павел, Петр, Татьяна, Семен

Именины 22 сентября 2017
Александр, Алексей, Василий, Григорий, Дмитрий, Захар, Иосиф, Никита, Сергей, Анна, Афанасий

Госці краін
free counters
Партнеры сайта