У рамонтнай майстэрні міёрскага райаграсэрвісу аднавілі чызельныя культыватары

 У рамонтнай майстэрні райаграсэрвісу месцы на спецыяльных падстаўках занялі тры чызельныя культыватары КЧ-5,1.

Начальнік мехатрада Міхаіл Кукуць (на фота злева) тлумачыць:

 
– Пачалі замену рабочых органаў, пашкоджаныя чызельныя зубы ўжо зняты, новыя паступова ўстанаўліваем. Гэтым займаюцца слесар Аляксандр Дудалеў, механізатары Яўген Радзіонаў, Уладзімір Танкавід і Станіслаў Жалняровіч. Калі з’яўляецца неабходнасць, ім у дапамогу падключаем зваршчыка Альберта Томку.

 
Потым настане чарга іншай глебаапрацоўчай тэхнікі. Час ужо прыспечвае. Разлічваем, што нашы механізатары своечасова падрыхтуюцца да выхаду ў поле.

Леанід МАТЭЛЕНАК.

Фота Казіміра БЛАЖЭВІЧА.