Авторизация
 

Да Маці Божай Фацімскай маліліся ў Павяцці

 Урачыстасць Маці Божай Фацімскай, у гонар якой названы касцёл, святкавалі ў Павяцці. Святую імшу ўзначальваў пробашч міёрскай парафіі ксёндз Крыштаф Міенкіна. Наведаліся на фэст святары і вернікі з навакольных населеных пунктаў. 

З гісторыі
Маці Божая аб’явілася ў партугальскім мястэчку Фаціма ў маі 1917 года траім дзецям-пастушкам Жасінце і яе брату Францішку Марту, а таксама іх стрыечнай сястры Люцыі Сантуш. Пасля гэта адбывалася раз на месяц з 13 мая па 13 кастрычніка. Ішла Першая сусветная вайна. У адным з аб’яўленняў дзецям прадказалася, што будзе яшчэ страшнейшая пагроза для чалавецтва – мелася на ўвазе Другая сусветная.

   
 Перад смерцю Жасінце ў 1920-ым годзе з’явілася Багародзіца і перадала такія прароцтвы: “Найбольш цягнуць людскія душы ў пекла грахі цела; з’явяцца моды, якія будуць вельмі абражаць Бога, а людзі, якія служаць Богу, не павінны кіравацца модай, бо ў Царкве няма моды і Госпад заўсёды адзін; калі б людзі ведалі, што такое вечнасць, то зрабілі б усё, каб змяніць сваё жыццё…”

   

  Постаць праз стагоддзі
У прамове да вернікаў ксёндз Вячаслаў Адамовіч з Дзісны звярнуў асаблівую ўвагу на асобу Марыі – маці Езуса. Яна займае важнае месца ў дэканаце. У гонар яе Унебаўзяцця названы касцёл у Міёрах, Шкаплерная апякуецца ідолтаўскай парафіяй, у Дзісне святыня носіць тытул Маці Божай Беззаганна зачатай. На працягу існавання хрысціянства Марыю заўсёды шанавалі, да яе звярталіся ў малітвах, ішлі ў пілігрымках. Святар падкрэсліў:

   

“Набожнасць нарадзілася са зваротаў да Маці Божай. Нашы продкі звярталіся, і мы просім у яе заступніцтва. Яна як пасрэднік паміж Богам і чалавекам, дапамагае ў нашых патрэбах.”


Прадоўжыла набажэнства Літанія да Марыі. Затым вернікі скіраваліся ў працэсіі вакол касцёла, славячы Бога спевамі. Святым сакрамантам блаславіў святар усіх прысутных.


Пробашч павяцкай парафіі ксёндз Леанід Мозгель шчыра дзякаваў гасцям і мясцовым вернікам, святарам за супольную малітву.


Вольга ВІШНЕЎСКАЯ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 апреля 2021
Алексей, Георгий, Марк, Николай, Платон, Семен

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Госці краін

free counters
Партнеры сайта