Авторизация
 

5 лютага — успамін святой Агаты, панны і мучаніцы

 5 лютага ў Каталіцкім Касцёле адзначаецца ўспамін святой Агаты, панны і мучаніцы. У гэты ж дзень асвячаюцца «хлеб святой Агаты», вада і студні. Кім была гэтая святая? Чаму з ёю звязана традыцыя асвячэння хлеба? 

Святая Агата, панна і мучаніца — святая часоў ранняга хрысціянства. Нарадзілася ў 235 годзе ў сіцылійскім горадзе Катанія. Паходзіла са знакамітага мясцовага роду. У 16 гадоў загінула пакутніцкай смерцю за свае хрысціянскія перакананні.

 

Нявеста Хрыста

Пасля хросту Агата, з любові да Хрыста, вырашыла захаваць цнатлівасць. Святая была вельмі прыгожай, таму шмат хто хацеў ажаніцца з ёй. Адным з прэтэндэнтаў быў і рымскі намеснік Сіцыліі Квіцыян. Яму, таксама як і астатнім сватам, Агата адмовіла.

 

Квіцыян узненавідзеў дзяўчыну і шукаў моманту, каб адпомсціць ёй.

Такі момант з’явіўся ў 250 годзе, калі імператар Дэцый выдаў загад аб пераследзе хрысціян. 

 

Паводле падання, святая добра разумела, што яе чакаюць пакуты, барацьба і нават смерць, таму малілася: «Пане Езу Хрыстэ, Ты бачыш сэрца маё, ад Цябе не схаваны мае жаданні, я прагну належаць Табе ва ўсім, чым я ёсць і чым валодаю. Будзь мне пастырам, я ж няхай буду авечкай Твайго статку. Ахоўвай мяне ў святой барацьбе за Імя Тваё і спашлі мне ўмацаванне ў маёй слабасці».

Квіцыян ветліва прывітаў дзяўчыну і паўтарыў словы захаплення і ўсе свае абяцанні. Ён пагражаў Агаце страшным лёсам, калі яна адмовіцца выйсці за яго замуж. 

Без ваганняў яна адмовілася. Тым не менш намеснік часова стрымаў свой гнеў і аддаў Агату ў дом нейкай Афрадзісіі, жанчыны, вядомай сваёй распуслівасцю, спадзеючыся, што тая, разам са сваімі пяццю дочкамі, паўплывае на перакананні Агаты і зможа падпарадкаваць яе волі намесніка.  

У гэтым доме святая Агата знаходзілася 30 дзён, але не здрадзіла сваёй веры і маральным перакананням.

 

Пасля гэтага Квіцыян выклікаў дзяўчыну на суд і пачаў пытацца пра яе паходжанне. Даведаўшыся, што Агата паходзіць са знакамітага роду, намеснік спытаў: «Чаму ты так прынізіла сябе, што стала хрысціянкай?» На што святая адказала: «Таму што сапраўдная высакароднасць набываецца вызнаваннем Езуса Хрыста, якога называюць рабом».

«Значыць, мы страцілі нашую высакароднасць?!» — усклікнуў Квіцыян. «Так, — адказала Агата, —  ты згубіў яе, калі стаў рабом сатаны настолькі, што пакланяешся яму, шануючы бяздушныя камяні». 

 

Пакуты і смерць у імя веры

Узрушаны намеснік абвінаваціў Агату ў святатацтве і пад пагрозай пакарання загадаў ёй прынесці ахвяру язычніцкім багам. Святая адмовілася. Тады Квіцыян загадаў бічаваць яе, паліць раскаленым жалезам і раніць вострымі нажамі, а калі яна мужна перанесла гэтыя пакуты — загадаў адрэзаць ёй грудзі.   

Пасля гэтых жорсткіх пакут Агату кінулі ў вязніцу, загадаўшы нікога да яе не дапускаць і забараніўшы перадаваць ежу і піццё. 

Нягледзячы на пакуты, святая Агата працягвала праслаўляць Бога, і ноччу ў вязніцы ёй з’явіўся святы Пётр у вобразе старца, якога суправаджаў анёл з паходняй. Ен вылечыў Агату ад усіх ранаў, нанесеных падчас пакаранняў. Яе цела стала яшчэ больш прыгожым, чым перад катаваннямі.

 

Святая стала маліцца і дзякаваць Богу за аздараўленне. У гэты час нябеснае святло напоўніла вязніцу, а спалоханая варта збегла, пакінуўшы дзверы адчыненымі.  

Самі вартаўнікі, бегучы, крычалі, каб святая ўцякала, таксама і іншыя вязні ўгаворвалі яе. Аднак Агата адказала: «Не дай Бог мне згубіць такі, ужо блізкі, вянок і падвергнуць варту пакаранню...»

Даведаўшыся пра ўсё, Квіцыян зноў паклікаў яе да сябе і загадаў скласці ахвяру рымскім багам. Святая ў чарговы раз адмовілася. Тады намеснік загадаў кінуць яе на гарачае вуголле, каб спаліць зажыва. 

 

У гэты час пачаўся землятрус, і напалоханыя жыхары горада пачалі прасіць Квіцыяна адпусціць дзяўчыну. Напалоханыя каты перасталі мучыць Агату, але яна, не вытрымаўшы катаванняў, ужо памерла.  

Адбылося гэта 5 лютага 251 года. Мясцовыя хрысціяне пахавалі 16-гадовую мучаніцу за горадам, а праз 60 гадоў перанеслі яе парэшткі ў нанова пабудаваны катэдральны сабор у г. Катанія, дзе яе цела захоўваецца да сённяшняга дня.

Праз год пасля смерці святой на гары Катанія прачнуўся вулкан Этна. Згодна з паданнем, мясцовыя жыхары пачалі маліцца да святой Агаты, трымаючы ў руках яе хусцінку, і лава, дайшоўшы да хрысціян, рэзка змяніла свой накірунак. Такім чынам горад быў уратаваны. 

Пра гэты цуд даведаліся язычнікі, і многія з іх сталі хрысціянамі.

 

Ушанаванне святой

З таго часу святая Агата шануецца як выратавальніца ад пажараў, паводак і іншых стыхійных бедстваў. Таксама яна лічыцца апякункай прафесій, звязаных з агнём, у тым ліку пекараў. У сувязі з гэтым у дзень памяці святой Агаты ў Каталіцкім Касцёле прынята асвячаць хлеб. Таксама асвячаецца соль і вада. 

Святая Агата лічыцца апякункай пажарных, ліцейшчыкаў, майстроў, якія робяць званы, медыцынскіх сясцёр і трубачыстаў. Сваёй апякункай яе лічаць і рыцары Мальтыйскага ордэна.

У гэты дзень некаторыя вернікі таксама даюць хатнім жывёлам хлеб і соль, асвечаныя ў гонар святой Агаты, жадаючы засцерагчы іх ад розных хваробаў. 

Жанчыны моляцца аб заступніцтве святой Агаты пры болю ў грудзях і некаторых іншых захворваннях, а таксама падчас кармлення грудзьмі.

 

Па матэрыялах інтэрнэт-крыніц.

 

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 95 522
  • 0

Інвестыцыйны форум

  • 23 сентябрь 2011, 10:05
  • 73 974
  • 1

Злавілі рыбку, ды… залатую

  • 28 февраль 2011, 16:16
  • 41 820
  • 0

Пераброддзе 2012. Погляд вучонага

  • 31 август 2012, 15:19
  • 37 847
  • 0

  • 11 февраль 2011, 11:20
  • 36 568
  • 0

Кандыдатамі жадаюць стаць

  • 21 август 2012, 15:30
  • 34 491
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 23 476
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 февраля 2019
Александр, Алексей, Андрей, Аркадий, Борис, Василий, Георгий, Дмитрий, Иван, Иосиф, Кирилл, Михаил, Николай, Петр, Сергей, Федор, Юрий, Анна, Екатерина

Именины 16 февраля 2019
Адриан, Василий, Владимир, Иван, Михаил, Николай, Павел, Роман, Тимофей, Анна, Семен

Госці краін
free counters
Партнеры сайта