Авторизация
 

У першыя дні лістапада — урачыстасць Усіх Святых і Дзень задушны

 Паводле гістарычных звестак, урачыстасць Усіх Святых устаноўлена ў 835 годзе папам Грыгорыем IV. Штогод 1 лістапада католікі ва ўсім свеце аддаюць пашану святым і бласлаўлёным. У міёрскім касцёле у гэты дзень будуць адпраўлены тры святыя імшы — у 8, 12, і 18 гадзін.

Лічыцца, што святыя і бласлаўлёныя мужным і часам пакутным жыццём заслужылі вечнае шчасце ў небе. Малітвы да іх выказваюць просьбай аб заступніцтве перад Богам, дапамозе ў трываласці і апецы для людзей. Вернасць і адданасць усіх святых Богу з’яўляецца прыкладам у фарміраванні жыццёвага паклікання, а іх малітвы — абаронай у штодзённай барацьбе са злом. Варта звяртацца з просьбамі да святых, яны абавязкова выслухаюць і дапамогуць.

 Памаліцца за душы
У Х стагоддзі ў літургічным календары каталіцкага касцёла з’явілася яшчэ дата — Дзень успамінаў памерлых. Прыпадае на 2 лістапада. У народзе называецца як Дзень задушны. Напярэдадні людзі прыбіраюць магілы, затым моляцца за сваіх памерлых і ў памяць па іх запальваюць свечкі. Захаванне абраду памінання з’яўляецца важным абавязкам усіх вернікаў. Душа пасля смерці магла трапіць у чысцец. Добрыя справы, малітвы, пакаянне жывых можа дапамагчы памерламу ачысціцца ад грахоў і трапіць у рай.


У міёрскай святыні 2 лістапада служба адбудзецца а 8 гадзіне. Пасля яе святар і вернікі з працэсіяй адправяцца на старыя могілкі, што непадалёку ад касцёла. На новых могілках за горадам святая імша адбудзецца ў 12.00. Увечары ў касцёле вернікі памоляцца на службе а 18 гадзіне.


Дарэчы. На працягу актавы, а гэта значыць з 1 да 8 лістапада, пасля вячэрняй святой імшы, што пачынаецца ў 18.00, у міёрскай святыні будуць зачытвацца выпамінкі за памерлых і маліцца за іх душы на Святым ружанцы.
Запрасіць ксяндза памаліцца на могілках можна перад або пасля святых імшаў у касцёле.

Фота Казіміра БЛАЖЭВІЧА.

Падрыхтавала Вольга ВІШНЕЎСКАЯ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2021
Адриан, Ирина, Яков

Именины 17 мая 2021
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта