Авторизация
 

Першую камунію прынялі дзеці ў міёрскім касцёле

 У нядзелю, 13 мая, да міёрскага касцёла ішлі па-святочнаму апранутыя хлопчыкі і дзяўчынкі разам з бацькамі і хроснымі. Два гады дзеці рыхтаваліся да ўрачыстасці: наведвалі заняткі па рэлігіі, вывучалі малітвы і засвойвалі асновы катэхізіса, здавалі экзамен і першы раз спавядаліся. 

 Перад уваходам у святыню бацькі блаславілі дзяцей. Іх сустрэў ксёндз Крыштаф і ўсе разам увайшлі ў касцёл. Распачалася святая Імша. Усе першакамунійныя дзеці былі задзейнічаны ў літургіі: спявалі псальм, чыталі Слова Божае, удзельнічалі разам з бацькамі ў малітве верных і ў паднясенні святых дароў. Да алтара прынеслі і вялікае сэрца з фотаздымкамі (партрэтам кожнага). Такім жэстам выказалі сваю любоў да Бога.


Ксёндз-пробашч Крыштаф Міенкіна ў прамове нагадаў бацькам і хросным паказваць прыклад веры маладому пакаленню: “Калі вы верыце, ходзіце ў касцёл, то і яны будуць так рабіць”. Дзецям наказаў жыць у любові Божай, рабіць дабро, дзякаваць Богу за дар Эўхарыстыі, які атрымалі. У заключэнні святар прыгадаў словы святога папы Лявона Вялікага: “Кожны крок спазнання Бога — гэта крок да вечнасці”.


 30 юных парафіян прыступілі да Першай камуніі. Крок да пазнання Бога зроблены з чыстым сэрцам і запаленымі свечкамі ў руках.


 Май ва ўсіх каталіцкіх святынях прысвячаецца ўшанаванню маці Божай Марыі. Літаніяй моляцца штовечар не толькі ў касцёлах, але і ў вёсках ля крыжоў. З просьбамі да Багародзіцы звяртаюцца ў малітвах на ружанцы. Менавіта іх дзеці атрымалі ў святочны дзень у падарунак. Што гэта і як на ім маліцца, навучыла настаўніца Наталля Гарноўская. Для катэхеткі сёлетні выпуск першакамунійных дзяцей юбілейны — 25-ы.


Наталля Тадэвушаўна прыгадвае, што яе вучылі маліцца бацькі, а многіх аднагодак—і бабулі. Тады яшчэ існавала забарона на наведванне святыняў. За гэта выстаўлялі на лінейцы, маглі звольніць з працы. Аднак вера, што стагоддзямі жыла ў душах людзей, аказалася мацней за запужванне. І тады здавалі экзамен на веданне малітваў, таксама ва ўрачыстай абстаноўцы прымалі Першую камунію. Сакрамант Наталлі ўдзяляў ксёндз Ян Грабоўскі. Пры мінулым пробашчы-ксяндзы Уладасе Пятрайцісе 27 год таму сістэматычна праводзіліся заняткі па катэхезе для дзяцей, якія рыхтаваліся да Першай камуніі. Добрая традыцыя працягваецца і сёння. На наступны год рыхтуюцца да сакраманту больш за 20 дзяцей.


Напрыканцы службы дзеці і іх бацькі выказалі ўдзячнасць святарам пробашчу Крыштафу Міенкіну, вікарыю Андрэю Таўруку і катэхетцы Наталлі Гарноўскай. Віншаванні з нагоды дня нараджэння прымаў ад парафіян ксёндз Андрэй. 

Фотаматэрыял Казіміра БЛАЖЭВІЧА.

Больш фота на сайце ў альбоме http://album.mijory.by/thumbnails.php?album=44

і ў групе "Міёрскія навіны" сацыяльных сетак ВК https://vk.com/album-93032809_254184899

ОК https://ok.ru/merskyanav/album/53787375435915

Fb https://www.facebook.com/media/set/?set=oa.191115634854480&type=3

Вольга ВІШНЕЎСКАЯ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 378
  • 0

Інвестыцыйны форум

  • 23 сентябрь 2011, 10:05
  • 77 142
  • 1

Злавілі рыбку, ды… залатую

  • 28 февраль 2011, 16:16
  • 48 827
  • 0

Пераброддзе 2012. Погляд вучонага

  • 31 август 2012, 15:19
  • 39 352
  • 0

  • 11 февраль 2011, 11:20
  • 38 094
  • 0

Кандыдатамі жадаюць стаць

  • 21 август 2012, 15:30
  • 35 232
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 204
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 апреля 2019
Георгий, Дмитрий, Марфа

Именины 25 апреля 2019
Василий, Давид, Иван, Сергей, Мария, Марфа

Госці краін
free counters
Партнеры сайта