Авторизация
 

Шаснаццаты фестываль каляднай песні "Зорка Бэтлеема" прымалі Міёры

 Трэцяга студзеня ў чарговы раз міёрская парафія Унебаўзяцця Найсвяцейшай Панны Марыі прывітала моладзь і дзяцей на конкурсным фестывалі каляднай песні "Зорка Бэтлеема". Фестываль каляднай песні "Зорка Бэтлеема" з году ў год павялічвае колькасць удзельнікаў і радуе прафесійным ростам. Юныя таленты цешаць удалымі выступленнямі і перамогамі.  

 Распачалі сустрэчу Святой імшой у касцёле. Пасля набажэнства ланцужкі ўдзельнікаў і гледачоў рухаліся да раённага Дома культуры. Шчырымі абдымкамі і ўсмешкамі віталіся са знаёмымі і сябрамі з розных куткоў Віцебшчыны. Атмасфера свята панавала навокал, а шчымліваму хваляванню паддаваліся ўдзельнікі фестывалю.


Дванаццаць парафій падзяліліся супакоем веры і спевам праслаўлення. Прыехалі моладзь і дзеці са сваімі настаўнікамі, ксяндзамі і законнымі сёстрамі з Верхнядзвінска, Наваполацка, Глыбокага, Браслава, Бешанковіч, Лучая, Дзеркаўшчыны, Варапаева, Шаркаўшчыны, Лынтуп, Пастаў і, канешне ж, гаспадары свята — міярчане.


Прывітаў прысутных ксёндз-пробашч мясцовай парафіі Крыштаф Мянкіна. Ганаровы госць біскуп Віцебскай дыяцэзіі Алег Буткевіч павіншаваў усіх са святам нараджэння Хрыста і Новым годам. Іерарх адзначыў, што конкурс у Міёрах — працяг вялікага свята Ражства і дар дзялення верай. Супольнай малітвай "Ойча наш" прадоўжылі фестывальную сустрэчу і біскуп удзяліў блаславенства.


 Вядучыя Ганна Блажэвіч і Вікторыя Мітрафанава прадставілі журы, у склад якога ўваходзілі Вольга Чарняўская і Галіна Грабоўская — выкладчыкі Міёрскай школы мастацтваў, канцлер Віцебскай курыі ксёндз Віктар Місевіч.


Пад вядомыя калядкі падпявалі гледачы, а выступоўцаў яны шчодра адорвалі апладысментамі. Акампаніравалі артысты на розных музычных інструментах: шчымліва за душу брала скрыпка і віяланчэль, флейта, узбадзёрвалі бразготкі і цымбалы, гітары. Прыемна ўразілі дзяўчаты з Наваполацка. Спявалі на галасы пад мелодыю пластыкавых рознакаляровых шклянак, якія гарманічна гуртом перастаўлялі перад сабой на стале. Выканаўцы з Шаркаўшчыны, Бешанковічаў, Міёр, Пастаў, Наваполацка настолькі шчыра ад сэрца дзяліліся пазітыўнымі эмоцыямі, што авацыі выклікалі на "біс". Аднак час запрашаў на сцэну наступных удзельнікаў. Выкананне лірычных кампазіцый самымі малодшымі спевакамі Янай-Марыяй Рышкевіч з Браслава, Арцёмам Маргуновым і Мікітам Рабухіным з Пастаў і некаторымі іншымі выклікалі замілаванне.
Вядучыя "разбаўлялі" праграму конкурсамі. На сцэну запрашалі аматараў пакідаць штучныя сняжкі, духавенства займалася складаннем слоў, задавалі пытанні і самым аператыўным ўручалі салодкія прызы.


 Пасля кароткага абедзеннага перапынку мясцовая моладзь прадставіла "Гісторыю свайго жыцця". Паглядзелі кароткаметражны фільм ад першых сакрамантаў у касцёле да сучасных добрых спраў. Вядучая Вікторыя Мітрафанава распавядала пра гасцінную сустрэчу міярчан з палякамі ў Беластоку, пра пераемнасць пакаленняў, пра навучанне танцам, якое праводзіцца штогод у суседнім Браславе і шмат іншага. Сольна спявала Дзіяна Мітрафанава. Гурт студэнтаў і маладых спецыялістаў выканаў некалькі кампазіцый і кружыў у парным танцы. З харэаграфічным нумарам выступілі малодшыя хлопчыкі і дзяўчынкі. Моладзь і дзеці шчыра дзякавалі за падтрымку духоўнаму кіраўніку і ідэйнаму натхняльніку ксяндзу-пробашчу Крыштафу.


 Старшыня журы ксёндз Віктар Місевіч абвясціў вынікі. Прызы глядацкіх сімпатый атрымалі Дзіяна Гуйдо з Наваполацка, Маша Шаўра з Пастаў, дуэт Крысціны Багушэвіч і Андрэя Малатоўніка з Варапаева.


Строгае і адначасова шчодрае журы прысудзіла тры трэція месцы гуртам: фальклорнаму з Міёр (у складзе якога выступілі Паліна Валеўка, Вераніка Закрэўская, Ягор Абалевіч, Аляксандр Маскалёў, Аляксандр Дундар) і віяланчэлістаў з Бешанковічаў, Паліне Сіняўскай з Глыбокага. Другія месцы падзялілі гурт "Ex anima" з Браслава, Сафія Пацянкоўская з Верхнядзвінска і Мікіта Рабухін з Пастаў. Лаўровы вянок пераможцаў з годнасцю атрымалі гурт "Музыкі Хрыста" з Шаркаўшчыны, дуэт Анастасіі Пазняк і Антона Анецькі з Міёр, Злата Ярашэвіч з лучайскай парафіі. Ніхто з удзельнікаў не застаўся без падарунка. Кожнай парафіяльнай групе ўручылі пакет ласункаў і пачастунак ад аднаго са спонсараў фестывалю дабрачыннай арганізацыі "Карытас".


 Добрыя словы гучалі ў адрас выканаўцаў і іх настаўнікаў. Толькі дзякуючы настойлівай працы і адказнай падрыхтоўцы можна дасягнуць такога ўзроўню і творчага росту юных талентаў. Міёрскіх удзельнікаў рыхтавалі да выступлення выкладчыкі школы мастацтваў, практыкуючыя вернікі парафіі Яўгенія Баговіч і Таццяна Бялевіч.


Фестываль закончыўся, але ні ўдзельнікі, ні гледачы разыходзіцца не спяшаліся. Традыцыйна рабілі здымкі. Атмасфера радаснага супакою і душэўнай цеплыні толькі ўзбадзёрыла. Міёры развіталіся з вернікамі парафій Віцебшчыны, каб зноў сустрэцца ў наступным годзе.


 Дарэчы, больш фота і відэазапісы некаторых выступленняў глядзіце ў групе "Міёрскія навіны" ў сацыяльных сетках "Вконтакте", "Одноклассники" і на Facebook. Здымкі размешчаны і ў фотагалерэі на сайце www.mijory.by 

Фота Казіміра БЛАЖЭВІЧА і аўтара.

Вольга ВІШНЕЎСКАЯ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 621
  • 0

Злавілі рыбку, ды… залатую

  • 28 февраль 2011, 16:16
  • 94 690
  • 0

Інвестыцыйны форум

  • 23 сентябрь 2011, 10:05
  • 90 630
  • 1

  • 11 февраль 2011, 11:20
  • 43 622
  • 0

Пераброддзе 2012. Погляд вучонага

  • 31 август 2012, 15:19
  • 42 719
  • 0

Кандыдатамі жадаюць стаць

  • 21 август 2012, 15:30
  • 36 760
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 921
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 2 декабря 2020
Адриан, Александр, Валентин, Вениамин, Геннадий, Герасим, Григорий, Денис, Дмитрий, Иван, Игнатий, Иларион, Константин, Леонид, Михаил, Петр, Порфирий, Сергей, Тимофей, Федор, Яков, Семен

Именины 1 декабря 2020
Николай, Платон, Роман

Госці краін

free counters
Партнеры сайта