Авторизация
 

Над Чэраскай царквой зазіхацеў сяміканечны крыж

 — З таго часу, як дваццаць гадоў таму пачаў служыць у Чэраскай Святамікалаеўскай царкве, марыў, каб купал на ёй заззяў золатам, — апавядае настаяцель айцец Сергій Кавальскі. Момант настаў: магутны аўтакран устанавіў на даху храма на абноўленым барабане новы купал. Крыху пазней над ім зазіхацеў сяміканечны праваслаўны крыж.

Падрыхтоўка гэтай падзеі пачалася значна раней. Ідэю абнаўлення храма падтрымалі вернікі, сабралі грошы. Потым кранам знялі стары купал. Гэта яшчэ не надта складаная аперацыя, хаця і адказная, бо вага канструкцыі каля 2,5 тоны, ды і вышыня значная. Яе абследаваў і абмераў міёрскі ўмелец Аляксандр Ніўчык, затым узяўся за аднаўленне. Апавядае, што асноўныя канструкцыі барабана пакінуў, бо яны з так называемага старалесу. Калі яго пілаваць бензапілой — толькі іскры ляцяць, надта драўніна шчыльная. Навошта яе мяняць?! Затое купал новы, больш прывабнымі сталі яго цыбулепадобныя контуры. Драўляны каркас пакрыты спецыяльнай бляхай з "залатым" напыленнем, што літаральна свеціцца-гарыць на сонцы. На ўсё гэта майстру спатрэбілася каля трох месяцаў стараннай працы. Сцвярджае, што дапамагаў сын-школьнік.


Крыж зварыў уласным апаратам айцец Сергій. Пасля і яго аздобілі залатой бляхай. Адначасова прадумвалася тэхналогія ўстаноўкі вялікагрузнага купала і дакладная фіксацыя крыжа на ім на значнай вышыні.


Завяршальныя работы ля царквы ў Чэрасах пачаліся ў пятніцу з раніцы. Сюды прыбыў 25-тонны аўтамабільны кран "Іванавец" МПК-55 Дзяніса Рачыцкага з размахам стралы ў 30 метраў. Спачатку на спецыяльнай будаўнічай "люльцы" на дах даставілі мацавальныя жалезныя элементы і абсталяванне, знялі часовую абарону ад дажджу. Потым прымерыліся, ці атрымаецца з той падвешанай хісткай пляцоўкі на вышыні хутка ўстанавіць крыж. Толькі пасля гэтага прымацавалі канструкцыю да крука аўтакрана і пачалі разбіраць рыштаванні.
І вось клопаты і хваляванні айца Сергія паспяхова закончаны. Купал з новым крыжам заззялі над будынкам храма, бачны здалёк, нават з-за возера з дарогі на Полацк. А ў святара новыя планы: абнавіць таксама "пад золата" шацёр на званіцы, замяніць бляшаны дах на асноўным кубападобным аб'ёме. Сёлета на гэта ўжо няма часу, але рыхтавацца неабходна… 

Фота аўтара.

Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 95 563
  • 0

Інвестыцыйны форум

  • 23 сентябрь 2011, 10:05
  • 74 145
  • 1

Злавілі рыбку, ды… залатую

  • 28 февраль 2011, 16:16
  • 42 239
  • 0

Пераброддзе 2012. Погляд вучонага

  • 31 август 2012, 15:19
  • 37 924
  • 0

  • 11 февраль 2011, 11:20
  • 36 644
  • 0

Кандыдатамі жадаюць стаць

  • 21 август 2012, 15:30
  • 34 519
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 23 504
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 11 апреля 2018
Иван, Исаакий, Кирилл, Корнилий, Марк, Михаил, Филипп

Именины 10 апреля 2018
Василий, Иван, Иларион, Илья, Николай, Степан

Госці краін
free counters
Партнеры сайта