Авторизация
 

Фэст у гонар іконы Божай Маці "Адзігітрыя" адбыўся ў Дзісне

 Традыцыйны фэст у гонар цудатворнай іконы Божай Маці "Адзігітрыя" адбыўся ў мінулы чацвер у Дзісне. Спрыяла яму лагоднае жнівеньскае сонейка. Сыпаў і дожджык, але толькі ад акраплення святой вадой. 

Нават у будні дзень на духоўны фэст у самы маленькі горад Беларусі з'ехаліся адусюль — з ваколіц, бліжэйшых і далёкіх гарадоў, нават суседніх краін. Такая традыцыя многіх сем'яў, якая зарадзілася вельмі даўно і з гадамі перадаецца наступным пакаленням. "Адзігітрыя" збірае блізкіх пад дах роднага дома, яднае незнаёмых людзей. Усе абменьваюцца цёплымі віншаваннямі і пеўнікамі на палачцы. Асабліва дзецям па гусце гэты салодкі смак свята. 

Згодна з легендай, у Дзісну па Заходняй Дзвіне абраз прыплыў у чоўне дзесьці ў ХVI стагоддзі. Сімвалічна, што і хрэсны ход з Уваскрасенскай царквы ў Адзігітрыеўскую пралягае па набярэжнай горада. Па добрай традыцыі ікону нясуць пажарныя ПАВЧ-3 ЛВДС "Дзісна".


Пасля набожнай літургіі, якую адслужылі святары Міёрскага і Наваполацкага благачынняў, людзі выстраіліся ў чаргу-ланцужок вакол храма, а потым і цягам усяго хрэснага ходу, каб прайсці пад святыняй. Свецкія лічаць, што ў той момант трэба загадваць жаданне, і яно абавязкова збудзецца. Хрысціяне проста вераць, што Багародзіца пачуе іх просьбы і малітвы, дапаможа выстаяць перад цяжкасцямі і нягодамі. Дарэчы, падтрымку святой адчуваюць усе. Па веры людской адбывалася шмат ацаленняў, ажыццяўляліся летуценныя мары, некаторым дараваліся нязначныя грахі.


Наталія СТАНКЕВІЧ.

Фота аўтара. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 10 мая 2021
Георгий, Иван, Иларион, Николай, Павел, Петр, Сергей, Степан, Анастасия, Мария, Семен

Именины 9 мая 2021
Василий, Иван, Николай, Петр, Степан, Глафира

Госці краін

free counters
Партнеры сайта