"Мы служим лесу, чтобы лес служил людям!». Это девиз Министерства лесного хозяйства в целом и Дисненского лесхоза в частности. Издавна известно, что лес не растет сам по себе-за ним необходим тщательный уход, поэтому сотрудники лесной охраны сеют, сажают, пропалывают зеленые насаждения. Как результат – население получает древесину и деревца для различных целей.

 «Мы служым лесу, каб лес служыў людзям!». Гэта дэвіз Міністэрства лясной гаспадаркі ў цэлым і Дзісненскага лясгасу ў прыватнасці. Здаўна вядома, што лес не расце сам па сабе – за ім неабходны старанны догляд, таму супрацоўнікі лясной аховы сеюць, саджаюць, праполваюць зялёныя насаджэнні. Як вынік – насельніцтва атрымлівае драўніну і дрэўцы для розных мэт.

 – Напярэдадні калядных і навагодніх святаў лясгас рэалізаваў 1 537 елачак. Гэта крыху менш, чым у мінулым сезоне, дзе прадалі насельніцтву і ўстановам, прадпрыемствам 1 712 адзінак, – прыводзіць лічбы і аналізуе іх намеснік дырэктара арганізацыі па ідэалагічнай рабоце Алена Канах. – Мяркую, што звязана гэта з тым, што беларусы ўзялі курс на экалагічнасць. Усё часцей аддаюць перавагу штучным елкам. Гэта не вельмі карысна і для здароўя людзей, і для прыроды, аднак выкарыстоўваюць іх шмат гадоў, таму такім чынам удаецца захаваць біяразнастайнасць.

Па словах Алены Леанідаўны, у кабінетах лясгаса таксама сёлета стаялі штучныя навагоднія прыгажуні. Аднак гэта звязана з тым, што, калі сам вырошчваеш дрэўца з маленькага насення, секчы яго шкада. Летась карысталіся папулярнасцю елачкі ў кадках, якія рэалізавалі падчас акцыі «Захаваем дрэву жыццё!»

З сярэдзіны студзеня ў сталіцы дзейнічала акцыя «Елкі ў трэскі», калі арганізацыі-перавозчыкі вывозілі навагоднія хваёвыя дрэвы з кантэйнерных пляцовак. Спецыялісты заўважаюць, што на Міёршчыне такіх пытанняў не ўзнікае. У прыватных дамах іх вырашаюць шляхам спальвання або прыгатавання кампосту. Ігліцу можна падсыпаць у глебу, каб падкісліць яе.

Разам з тым многія традыцыйна аддаюць перавагу жывой зялёнай прыгажуні. Лясгас перадаў 18 дрэўцаў установам адукацыі і тры – сацыяльным трох раёнаў у якасці шэфскай дапамогі. Напярэдадні святаў супрацоўнікі лясной аховы разам з ДАІ праводзілі рэйды па выяўленні незаконных высечак лесу. Парушэнняў не зафіксавана.

Намеснік дырэктара па ідэалагічнай рабоце лясгаса заўважае, што лес не пакутуе, калі высякаюцца елачкі, бо вырошчваюць іх для продажу на спецыяльных пляцоўках.

Алена Вароніна.
Фота з архіва рэдакцыі.