З надыходам вясны ў лясах з’яўляюцца першыя кветкі – вятраніца, сон-трава, пячоначніца, пралескі, ландыш майскі і іншыя. Сярод іх ёсць віды, занесеныя ў Чырвоную кнігу, збор якіх забаронены.

Масавы збор першацветаў прыводзіць да рэзкага змяншэння іх папуляцый. Зрываючы – мы знішчаем іх, купляючы – падтрымліваем браканьераў. Лепш любавацца кветкамі ў прыродзе, захоўваючы іх для будучых пакаленняў.

Заканадаўствам прадугледжана адміністрацыйная адказнасць за незаконнае выманне дзікарослых раслін, занесеных у Чырвоную кнігу. Згодна з арт. 16.8 КаАП, штраф можа складаць ад 20 да 30 базавых велічынь, для індывідуальных прадпрымальнікаў – да 150, для юрыдычных асоб – да 500 базавых.

Беражлівыя адносіны да першацветаў – наш унёсак у захаванне прыроднай разнастайнасці.

Аляксандр ВАЯВОДАЎ,

галоўны спецыяліст інспекцыі.