Акцыя па паліве дрэў і кустарнікаў аб’яўлена ў Беларусі. Далучыліся да добрай справы ў Міёрах.

Першая палова чэрвеня скупіцца на дождж. Прагноз надвор’я на бліжэйшы тыдзень ападкаў таксама не абяцае. Усё жывое хоча піць. Асабліва маладыя дрэўцы і кустарнікі, высаджаныя сёлетняй вясной. Іх у райцэнтры разам з камунальнікамі ў мінулую пятніцу палівалі супрацоўнікі райвыканкама, электрасетак і газавай службы, выратавальнікі і металапракатнікі, выхаванцы лагераў працы і адпачынку з СШ № 2 імя М. Ізварына і СШ № 3 імя Героя Савецкага Саюза Я. Томкі. Работа ў розных кропках горада кіпела, а дрэўцы і кустарнікі нарэшце папілі. 

Кацярына РЫНКЕВІЧ.
Фота Казіміра БЛАЖЭВІЧА.