У Туркоўскай школе да Сусветнага дня здароўя прайшла спартландыя. Мы спаборнічалі з сябрамі з суседняй Сіцькоўскай школы. Напачатку прывітаў гасцей настаўнік фізічнай культуры Андрэй ЛАПІЦКІ. Ён расказаў  пра тэматыку Сусветнага дня здароўя і неацэнную ролю фізічнай актыўнасці для любога ўзросту. 

Пад гімн нашай краіны капітаны ўзнялі дзяржаўны сцяг. У зале сабралася шмат балельшчыкаў. Выступалі ўдзельнікі з аб'яднання па інтарэсах "Спяваем разам".

Эстафеты—традыцыйныя і наватарскія. З навінак—"Трывога", дзе каманды перад забегам выконвалі матэматычныя вылічэнні. Адназначна: вучні ў спартакіядзе праявілі спрыт, хуткасць, кемлівасць, таварыскасць. Кожны стараўся справіцца як мага хутчэй, не падвесці, перамагалі найбольш уважлівыя і вынослівыя.

З розніцай у адзін бал лідзіравала Туркова. Дома і сцены дапамагаюць. Як пацяплее, дамовіліся сустрэцца на футбольным стадыёне ў Сіцькове.

Максім ГАРАЧКА, адзінаццацікласнік

Туркоўскай ДС-СШ.