Первый тысячник на отвозке рапса и зерна появился на Миорщине. На утро 5 августа результат Станислава Неведомского из ПУПКС "Миорский" составлял 1 008 тонн.

Першы тысячнік на адвозцы рапсу і зерня з’явіўся на Міёршчыне. На раніцу 5 жніўня вынік Станіслава Невядомскага з ВУПКУ «Міёрскі» складаў 1 008 тон.

 Павіншаваць кіроўцу ў поле прыехала дэлегацыя з райцэнтра.

– Вы першы ў раёне перасягнулі такі рубеж. І гэта прыклад для пераймання ўсім астатнім, – падкрэсліў у размове з аграрыем старшыня райвыканкама Сяргей Сямёнычаў. – Вялікі дзякуй з Вашу працу. Заставайцеся прыкладам для ўсіх.

Павіншавалі кіроўцу-тысячніка начальнік упраўлення сельскай гаспадаркі і харчавання Іван Юрашак, старшыня раённай прафсаюзнай арганізацыі Беларускага прафсаюза работнікаў АПК Валянціна Барок, начальнік аддзела ідэалагічнай работы і па справах моладзі Аксана Ашурка.

Быць у тысячніках Станіславу Невядомскаму не прывыкаць. Заўважае, і сёлета чакаў такога выніку.

– Тут у гаспадарцы гадоў 15 працую. З іх 11 – на Мазе, – гаворыць суразмоўнік. – Падчас уборачнай у сем раніцы ўжо на працы трэба быць, а дадому – як атрымаецца. Колькі кіламетраў за дзень праязджаю, не лічу. А тысячу і больш перавезці імкнуўся.

Кацярына РЫНКЕВІЧ.

Фотаматэрыял Казіміра БЛАЖЭВІЧА.