Штогод траім школьнікам з Міёршчыны шчасціць пабываць на дабрачынным навагоднім свяце для дзяцей у Палацы Рэспублікі. Сёлета на елку ў сталіцу едуць пяцікласнік Чапукоўскай СШ Мікалай Варонька, сямікласнікі СШ № 3 імя Героя Савецкага Саюза Я. Томкі Ігар Дулуаглу і Ягор Грэцкі. Святочная праграма займае два дні – 28 і 29 снежня.
Запрашэнне на галоўную елку краіны хлопцы атрымалі за поспехі ў конкурсах і даследчай дзейнасці. Так, Мікалай Варонька – пераможца абласнога этапа рэспубліканскага агляду інавацыйнай і тэхнічнай творчасці навучэнцаў і работнікаў устаноў адукацыі. Заваяваў два дыпломы ІІІ ступені. У абласным этапе рэспубліканскага творчага конкурсу для дзяцей і падлеткаў «Выконваем законы дарог» атрымаў дыпломы І і ІІ ступеняў.
Аднакласнікі Ягор Грэцкі і Ігар Дулуаглу вызначыліся ў робататэхніцы. У Ігара дыпломы ІІІ ступені ў першым і другім этапах абласнога рэйтынгу па робататэхніцы. З дыпломам ІІІ ступені ўвайшоў у лік пераможцаў абласнога рэйтынгу па робататэхніцы.
Дыплом ІІІ ступені ў першым этапе абласнога рэйтынгу па робататэхніцы атрымаў Ягор. Яго поспех на раённай навукова-практычнай канферэнцыі «Крок у будучыню» – дыплом ІІ ступені. Такую ж узнагароду заваяваў у абласным конкурсе работ даследчага характару «Я пазнаю свет».
Кацярына РЫНКЕВІЧ.
