Под конец рабочего дня 22 февраля на участке № 1 в Миорах проголосовало около 22% избирателей. По словам председателя комиссии Владимира Ханецкого, активная явка-традиция.

Пад канец рабочага дня 22 лютага на ўчастку № 1 у Міёрах прагаласавала каля 22 % выбаршчыкаў. Па словах старшыні камісіі Уладзіміра Ханецкага, актыўная яўка – традыцыя.

– На ўчастку 2 366 выбаршчыкаў. Нават не вылучу найбольш актыўных: прыходзяць і моладзь, і людзі сярэдняга ўзросту, і сталыя, – расказвае Уладзімір Вікенцьевіч. – Настроены пазітыўна, спакойна, нават калі ў гадзіну пік утвараюцца невялікія чэргі.

Сярод выбаршчыкаў – кіраўнік раёна Сяргей Сямёнычаў. Хутка запаўняе бюлетэнь і апускае яго ў скрыню.

– Прагаласаваць – абавязак кожнага. Мы выбіраем будучыню, бо тыя кандыдаты, якім аддаём перавагу, заўтра будуць адстойваць нашы законныя інтарэсы. Я галасую за будучыню Рэспублікі Беларусь, – акрэслівае сваю пазіцыю.

 Хтосьці з выбаршчыкаў знаёміцца з інфармацыяй пра кандыдатаў на стэндах, іншыя прыходзяць падрыхтаванымі. Па словах старшыні камісіі, раўнадушных няма.

Удзел у выбарах – асэнсаваны крок для супрацоўніка металапракатнага завода Максіма Мацюся:

– Заўсёды ўдзельнічаю ў выбарах. Упершыню галасаваў на прэзідэнцкіх, мне было васямнаццаць гадоў. З той пары ні адну выбарчую кампанію не прапускаю. Зрабіў свой выбар і старшыня камісіі Уладзімір Ханецкі на карысць таго, каб наша Беларусь заставалася незалежнай. Каб не баяліся за жыццё сваіх дзяцей, сваіх блізкіх. Маглі спакойна працаваць і адпачываць, будаваць планы на будучыню.

 Нядаўна сталі сям’ёй маладыя настаўнікі Дзмітрый і Святлана Байчукі. Для абодвух важна зрабіць правільны выбар. Пакуль прапісаны ў бацькоў, таму галасуюць на розных участках, аднак займаюць актыўную грамадзянскую пазіцыю.

Рэгіструе камісія заяўкі прыехаць на дом. За дзень іх было пяць, усяго – звыш пяцідзесяці. Кожны жадае зрабіць свой унёсак у агульную будучыню.

Алена Вароніна.
Фотаматэрыял Казіміра Блажэвіча.