Газета “Міёрскія навіны” сумесна з раённым камітэтам грамадскага аб’яднання БРСМ праводзіць фотаконкурс “Край шчаслівых сем’яў”. Спаборніцтва прымеркавана да Міжнароднага дня сям’і, які адзначаецца 15 мая.

Шчаслівы той, хто шчаслівы ў сябе дома. З класікам не паспрачаешся. З чаго складаецца сямейнае шчасце? Варыянтаў безліч. Тут і пяшчотныя абдымкі дзяцей з хатнімі гадаванцамі, і засыпаная мучным снегам падлога, і чарнічны макіяж на шчаслівых тварыках, і бой падушкамі перад сном, і палёты на арэлях, і букет першых кветак для матулі, і рамонт машыны поплеч з татам.

Якое яно, ваша шчасце ў сям’і? Раскажыце праз фотаздымкі. Дасылайце фота паведамленнем у групу “Міёрскія навіны” “Укантакце” або на электронны адрас s.katrin.r@mail.ru. Здымак суправаджайце невялікім расповядам пра сям’ю. Дзе пражываеце, чым займаюцца бацькі і дзеці, як праводзяць час разам.

Конкурс прадоўжыцца да 10 мая. Пераможцаў чакаюць падарункі. 

Прадстаўляем першых удзельнікаў: Міярчане Дзмітрый і Алеся Высоцкія з сынам Арцёмам і дачушкай Ксюшай.
З Дзмітрыем і Алесяй жыхары горада і раёна бачацца ў магазіне “Радуга”. Гаспадары гандлёвай кропкі сустракаюць ветліва і ўважлівыя да кожнага пакупніка. Умела сумяшчаюць свой бізнес і выхаванне дзяцей. У сям’і любяць актыўны адпачынак.

Кацярына РЫНКЕВІЧ,  s.katrin.r@mail.ru