Першым перавёз 1 тысячу тон збожжа ў раёне 6 жніўня Валерый Каськевіч з ААТ «Мерыца». 

Вопытны шафёр ведае і даглядае свой МАЗ, не баіцца далёкіх рэйсаў, а на кароткіх ад камбайнаў на полі да зернетака наогул заняты трыццаты сезон. Пашанцавала і з азімай пшаніцай: яна ў «Мерыцы» забяспечыла самы высокі ўраджай. Усё склалася настолькі ўдала, што Валерый Зыгмундавіч стаў першым тысячнікам не толькі ў раёне, але і сярод транспартнікаў гаспадарак Полацкай інтэграцыйнай структуры.

Пра гэта ішла размова пры ўшанаванні перадавіка, якое адбылося на збожжавым полі гаспадаркі ў суботу, 8 жніўня. Цёплыя словы віншавання выказалі Валерыю Каськевічу пры ўручэнні ўзнагарод і падарункаў начальнік упраўлення па сельскай гаспадарцы і харчаванні Аляксандр Шокель, намеснік кіраўніка холдынга па раслінаводстве Мікалай Муравейка, дырэктар сельгаспрадпрыемства Алена Лаўрыновіч, прафсаюзныя актывісты.

Між тым вадзіцель працягвае павялічваць свой працоўны рахунак, 10 жніўня набліжаўся да паказчыка ў 1,5 тысячы перавезеных тон зерня.

Фота Казіміра БЛАЖЭВІЧА.
Леанід МАТЭЛЕНАК.