Пётр Баляслававіч Радзюк нарадзіўся ў Шаркаўшчынскім раёне. Напэўна, блізасць да хлебаробскай справы паспрыяла таму, што ён паступіў у Пінскі гідрамеліярацыйны тэхнікум, які паспяхова закончыў. Працаваў на розных пасадах у Язненскім ПМС. Узначаліў калектыў летам 1989 года. Атрымліваецца, што сёлета споўнілася 22 гады, як Пётр Баляслававіч на дырэктарскай пасадзе. І яшчэ адна прыемная навіна сёлетняга года. За шматгадовую і сумленную працу ў меліярацыйнай галіне, унясенне значнага ўкладу ў развіццё меліярацыі дырэктар унітарнага прадпрыемства “Язненскае ПМС” Пётр Баляслававіч Радзюк узнагароджаны нагрудным знакам “Ганаровы меліяратар”.