Прэзідыум райкама прафсаюза работнікаў АПК разгледзеў пытанне «Аб задачах прафсаюзных арганізацый па ўдзеле ў падрыхтоўцы і правядзенні нарыхтоўкі кармоў 2020 года». Прафкамам сельгаспрадпрыемстваў неабходна распрацаваць меры матэрыяльнага і маральнага стымулявання работнікаў, звярнуць увагу на працоўную дысцыпліну і тэхніку бяспекі.

Вынікі работы на нарыхтоўцы кармоў неабходна падводзіць штодзённа, узнагароджваць найлепшых на рабочых месцах з уручэннем грамат, пісем-падзяк, грашовых падарункаў. У гонар перадавікоў – узнімаць сцягі.

Старшыні пярвічак абавязаны кантраляваць выкананне патрабаванняў па ахове працы, своечасовасць інструктажаў па тэхніцы бяспекі з удзелам грамадскіх інспектараў, забеспячэнне работнікаў сродкамі індывідуальнай аховы, медаптэчкамі, гарачым харчаваннем, належнымі ўмовамі працы. Пры стварэнні пагрозы жыццю і здароўю іншых, а таксама пры незахаванні працоўнай і вытворчай дысцыпліны, з’яўленні на рабочым месцы у нецвярозым стане – адхіляць ад работы. Павінна эксплуатавацца толькі спраўная і бяспечная тэхніка, якая прайшла тэхнічны агляд. Арганізаваны перадрэйсавы і паслярэйсавы агляды вадзіцеляў і трактарыстаў-машыністаў. Абсталяваны спецыяльныя месцы для кароткачасовага адпачынку і прыёму ежы ў полі. У сувязі з неспрыяльнай эпідэміялагічнай абстаноўкай неабходны пастаянны кантроль за забеспячэннем работнікаў змывальнымі і абеззаражвальнымі сродкамі, а пры неабходнасці – і сродкамі аховы органаў дыхання.

Фота для ілюстрацыі.
Леанід ХАХЕЛЬ, старшыня райкама прафсаюза работнікаў АПК.