У ААТ “Узмёнскі край” толькі на МТФ “Старыя Узмёны” пакуль не механізавана кормараздача, бо ў старым кароўніку нізкае сталяванне і нельга праехаць трактару. Таму даводзіцца дастаўляць жывёле пажыўную масу на конных павозках. А выконваюць гэтую работу жывёлаводы Васіль Яўстаф’евіч Мацюк, Георгій Канстанцінавіч Бахір і Сяргей Феафанавіч Дубоўскі (на здымку).

— І летам яны “кормяць” кароў — пасвяць дойны гурт па травастоі, прымяняючы франтальны загонны метад страўлівання. Кантраляваць якасць працы гэтых работнікаў ні летам, ні зімой не трэба — заўсёды спраўляюцца з абавязкамі без заўваг, — кажа галоўны заатэхнік гаспадаркі Таццяна Захараўна Галыня.                                                    

Э. ШАМІНКА.