З 1 чэрвеня да 15 верасня ў раёне праводзіцца спецыяльная праграма "Мак". Яе мэта — прафілактыка і выяўленне правапарушэнняў і злачынстваў, звязаных з незаконным вырошчваннем маку і каноплі.

Як правіла, летам наркаманы гатуюць "зелле" з гэтых культур, вырашчаных на тэрыторыі краіны. Часта законапаслухмяныя грамадзяне на сваіх агародах ці дачных участках пакідаюць дзікі мак для кулінарных ці эстэтычных патрэб. Гэтым яны ставяць пад пагрозу не толькі свае градкі, але і асабістую маёмасць, якую наркаманы могуць скрасці. Для кулінарных вырабаў мак законна і свабодна рэалізуецца ў гандлі.

У 2015 годзе ў раёне падчас праграмы "Мак" да адміністрацыйнай адказнасці прыцягнуты 21 грамадзянін. У выніку знішчана 42,4 кв.м. незаконнага маслічнага маку агульнай вагой 7450 кг. Праваахоўныя органы нагадваюць, што за пасеў ці вырошчванне забароненых раслін і грыбоў, якія ўтрымліваюць наркатычныя ці псіхатропныя рэчывы нават у малых дозах, прадугледжаны штраф да 20-ці базавых велічынь. А калі плануеце збываць іх або вырабляць наркатычныя сродкі — можна паплаціцца пазбаўленнем волі да трох гадоў.

Калі вы валодаеце інфармацыяй пра ўзрастанне наркаўтрымліваючых культур (у тым ліку ў лясах, на ўскрайках палёў, дарог), просьба паведаміць у раённы аддзел унутраных спраў па тэлефонах 102, 4 12 02 ці 5 62 78. Ананімнасць гарантуецца!

Фота для ілюстрацыі.
Андрэй ЛЮЦКІ,

старшы оперупаўнаважаны

Міёрскага РАУС.