Для тых, хто з пахаладаннем пачынае выкарыстоўваць электранагравальныя прыборы, нагадваю: для бытавых спажыўцоў не патрэбны дазвол на электраабагрэў, калі магутнасць эксплуатуемых установак не перабольшвае 5 кВт. А вось усім астатнім, незалежна ад форм уласнасці і віду дзейнасці, трэба абавязкова атрымаць дазвол на прымяненне электрычнасці для абагрэву.  

Акрамя таго, неабходна мець тэхнічныя ўмовы ад энергазабяспечвальнай арганізацыі, вырабіць праектную дакументацыю, зрабіць мантаж устаноўкі і прад'явіць яе для допуску ў раённую энергаінспекцыю. У іншым выпадку на спажыўца будзе складзены акт як на парушальніка электразабеспячэння, бо плата за электраабагрэў робіцца па іншым тарыфе.Электранагравальныя прыборы як крыніцы павышанай небяспекі патрабуюць асаблівых умоў эксплуатацыі.

Вось асноўныя з іх:

—катэгарычна забараняецца выкарыстоўваць няспраўныя прыстасаванні ці  з ненадзейнай ізаляцыяй;

—нельга рамантаваць уключаныя прыборы;

—забаронена правяраць нагрэў электраканфорак, прасаў рукамі;

—корпус бытавой электрапліты павінен быць занулёны;

—не выцягвайце вілку за провад з разеткі;

—ні ў якім разе не датыкайцеся адначасова да бытавых электранагравальных прыбораў, труб ці радыятараў ацяплення або іншых металічных прадметаў, што звязаны з зямлёй;

—не ўстанаўлівайце электранагравальныя прыборы на згараемыя падстаўкі.

В. СЯЛІЦКІ, інспектар энергаінспекцыі.