Да пастаноўкі жывёлы ў памяшканні неабходна шмат зрабіць. У першую чаргу ачысціць электраабсталяванне, праводку ад вапны, якая засталася пасля летняй дэзынфекцыі. Абавязкова – правесці электрафізічныя вымярэнні, каб ацаніць стан ізаляцыі. Праверыць зануленне і зазямленне, каліброўку плаўкіх уставак засцерагальнікаў. Выбар электрамагнітных расшчапляльнікаў аўтаматычных выключальнікаў па току нагрузкі абароніць работнікаў і жывёлу ад токаў кароткага замыкання.

Павялічыць тэрмін эксплуатацыі пультаў кіравання іх вынас з памяшканняў, пры гэтым кнопкі пуску павінны заставацца непасрэдна ля рабочых месц.

Адна з найважнейшых задач энергетыкаў – інструктаж усіх работнікаў ферм па пытаннях электрабяспекі. Неабходна, каб кожны з іх разумеў, чым небяспечны электраток. Ведаў, як засцерагчыся ад яго, як адключыць электраўстаноўку, вызваліць пацярпелага з-пад напругі і аказаць першую медыцынскую дапамогу.

У многіх гаспадарках энергаслужба – гэта адзін - два чалавекі, у іх наперадзе вялікі аб’ём работы, які поўнасцю не адолець без падтрымкі галоўных інжынераў і кіраўнікоў. А зрабіць усё належным чынам трэба абавязкова.

Фота для ілюстрацыі.
Валерый СЯЛІЦКІ,
інспектар раённай энергагазінспекцыі.