Свята 8 Сакавіка для работнікаў дзяржпажнагляду прайшло неспакойна. Раніцай паступіла паведамленне, што ў вёсцы Гараўцы загарэўся дом. Жыллё амаль поўнасцю знішчана агнём. У абед патэлефанавалі, што ў Павяцці гарыць лазня. У выніку пашкоджаны дах і перакрыцці.

9 сакавіка ў 5.30 на пульт дзяжурнага паступіла паведамленне аб загаранні жылога дома ў в. Хутар Дзедзіна. Знішчана жыллё. Гаспадар пацярпеў, калі імкнуўся выратаваць маёмасць, дакументы.

Прычынай пажараў стала парушэнне правілаў пажарнай бяспекі пры эксплуатацыі пячнога ацяплення і электрапрыбораў.

Беражыце сябе і сваіх блізкіх!

А. БУНТА,

інспектар дзяржпажнагляду.