За выхадныя ў краіне здарылася 58 пажараў. Агонь забраў жыцці трох чалавек. Дзяцей сярод іх не было. На Віцебшчыне адбылося дзесяць узгаранняў. На гэты раз без ахвяр. 

У нашым раёне на адзін пажар стала больш яшчэ напярэдадні ў пятніцу. Раніцай гарэў фізкультурна-аздараўленчы комплекс у Міёрах. Персанал самастойна эвакуіраваўся да прыбыцця выратавальнікаў.

P.S. Калі пажарныя прыбылі, было ўстаноўлена, што практычна па ўсёй плошчы будынка гарыць і месцамі тлець драўляная «абрашотка». Справіліся з агнём бліжэй да поўдня. Зараз спецыялісты Следчага Камітэта праводзяць праверку, высвятляюць прычыну таго, што адбылося.

Дзмітрый ПЛОТНІКАЎ, інспектар групы
прапаганды і ўзаемадзеяння з грамадскасцю РАНС.