Супрацоўнікі Міёрскага аддзялення дэпартамента аховы сёлета затрымалі за адміністрацыйныя правапарушэнні 332 чалавек, з іх за дробныя крадзяжы—13, раскрылі пяць злачынстваў. Вось адзін з выпадкаў.

5 ліпеня прапаршчыкі А. В. Савуць і В. Э. Стома знаходзіліся на маршруце патрулявання. У 14.15 яны атрымалі паведамленне аб крадзяжы прадукцыі з кафэ “Маладзёжнае” ў райцэнтры, хутка прааналізавалі магчымыя шляхі руху злачынцы. І каля дома №62 на вуліцы Камуністычнай у поле іх зроку трапіў падазроны чалавек. Прапаршчыкі А. В. Савуць і В. Э. Стома даставілі яго ў аператыўную службу РАУС для разбіральніцтва. Вось што значыць хуткае і дакладнае рэагаванне.

Такія дзеянні работнікаў аховы ўмацоўваюць службовы дух супрацоўнікаў і даюць добры прыклад моладзі.