Спецыяльная праграма «Мак» з 1 чэрвеня па 15 верасня праходзіць на Міёршчыне. Яе мэта – прафілактыка правапарушэнняў і злачынстваў, звязаных з незаконнымі сяўбой і вырошчваннем наркаўтрымліваючых культур – маку і каноплі, а таксама выяўленне злачынстваў у сферы незаконнага абароту наркатычных сродкаў.

Як правіла, летам наркаманы выкарыстоўваюць для атрымання наркотыкаў «зёлкі», прыгатаваныя з маку і каноплі, вырашчаных на тэрыторыі нашай краіны. Нярэдка законапаслухмяныя людзі пакідаюць на сваіх агародах ці дачных участках дзікарослы мак для кулінарных мэт ці проста для прыгажосці. Гэтым ставяць пад пагрозу не толькі свае градкі, але і асабістую маёмасць, бо наркаман можа скарыстацца ёй.

Законна набыць насенне маку можна ў магазіне. А вось за сяўбу і вырошчванне забароненых раслін і грыбоў, якія ўтрымліваюць наркатычныя сродкі ці псіхатропныя рэчывы нават у мінімальнай колькасці, прадугледжана адміністрацыйная адказнасць па арт. 17.1 КаАП – штраф да 20 базавых велічынь. За сяўбу ці вырошчванне з мэтай збыту ці выраб наркатычных сродкаў, забароненых да вырошчвання раслін або культываванне з той жа мэтай гатункаў каноплі, маку і іншых раслін, што ўтрымліваюць наркатычныя сродкі, прадугледжана крымінальная адказнасць па арт. 329 КК – пазбаўленне волі на тэрмін да трох гадоў.

Калі вам стала вядома пра факты вырастання маку ці каноплі, у тым ліку ў лясах, на абочынах палёў, дарог, у агародах, або пра асоб, якія маюць дачыненне да незаконнага абароту наркотыкаў, тэлефануйце ў РАУС на нумары 102, 5 19 02 ці 8 (029) 511 22 92.

Ананімнасць гарантуецца.

Данііл СМІРНОЎ,
старшы оперупаўнаважаны ГНіСГЛ РАУС.