Комплекс прафілактычных мерапрыемстваў праходзіць на тэрыторыі раёна з 25 верасня па 11 кастрычніка. Мэты і задачы акрэслівае старшы ўчастковы інспектар міліцыі Віктар Гардукевіч:

– Асноўная мэта маштабнай акцыі – аздараўленне крымінагеннай абстаноўкі ў рэгіёне, уцягненне незанятых у эканоміцы грамадзян у працоўную дзейнасць, узмацненне кантролю за асобамі, якія раней пераступалі закон.
Супрацоўнікі міліцыі грамадскай бяспекі разам з прадстаўнікамі суб'ектаў прафілактыкі праводзяць адпрацоўку жылога сектара ў райцэнтры, сельскіх населеных пунктаў.

Асаблівая ўвага надаецца:

- грамадзянам, якія вядуць асацыяльны лад жыцця, не жадаюць працаўладкоўвацца, сістэматычна злоўжываюць спіртнымі напоямі;
- асобам, што знаходзяцца на ўліках у крымінальна-выканаўчай інспекцыі і аддзеле аховы правапарадку і прафілактыкі.

Таксама правераць пустуючыя дамы і кватэры з рэпутацыяй прытона.

Падчас акцыі пройдуць пасяджэнні саветаў грамадскасці па прафілактыцы правапарушэнняў, будуць арганізаваны групавыя і індывідуальныя гутаркі з прыцягненнем спецыялістаў упраўлення па працы, занятасці і сацыяльнай абароне райвыканкама. Тым, хто мае патрэбу ў бытавым і працаўладкаванні, акажуць дапамогу. Да парушальнікаў парадку і асоб, якія ігнаруюць патрабаванні закона, прыменяць адпаведныя меры, у тым ліку накіраванне ў лячэбна-працоўны прафілакторый.

Пра факты дамашняга гвалту, сямейнай нядобранадзейнасці, месцы, дзе збіраюцца асацыяльныя кампаніі, паведамляйце свайму ўчастковаму інспектару або на 102.

Падрыхтавала Кацярына РЫНКЕВІЧ.