Бяспека дзяцей – адна з галоўных задач для бацькоў. На жаль, злачынствы супраць непаўналетніх, у тым ліку з боку педафілаў, нярэдкія. Як жа абараніць дзіця і навучыць яго бяспечным паводзінам?

Перш-наперш – даверлівыя адносіны. Рэгулярна размаўляйце з малымі пра тое, што адбываецца ў іх жыцці. Пытайцеся, як прайшоў іх дзень, з кім маюць стасункі і якія ў іх сябры.
Навучыце дзіця асноўным правілам бяспекі. Не размаўляць з незнаёмцамі, не падыходзіць да іх і не прымаць падарункі і пачастункі. Выкарыстоўваць кодавыя словы. Вызначыце такое, якое малы павінен назваць, калі яму патрэбна дапамога. Паведамляць пра падазроныя сітуацыі, якія выклікаюць у яго дыскамфорт ці страх.

Абмяркуйце правілы бяспечных паводзін у інтэрнэце. У першую чаргу не дзяліцца асабістай інфармацыяй: поўным імем, нумарам тэлефона і інш. Быць уважлівымі да таго, з кім маюць стасункі ў сацыяльных сетках, і не прымаць запыты ад незнаёмцаў.

Будзьце ўважлівыя да акружэння свайго дзіцяці. Ведайце, з кім яно праводзіць вольны час, падтрымлівайце кантакты з іншымі бацькамі. Удзельнічайце ў жыцці школы і гурткоў, якія ён наведвае.

Запішыце сына ці дачку на курсы самаабароны ці фізічнай актыўнасці. Гэта павысіць яго ўпэўненасць у сабе і навыкі, якія могуць спатрэбіцца ў экстрэмальнай сітуацыі. Абмяркуйце, як важна пазбягаць адасобленых месцаў і заўсёды заставацца ў кампаніі сяброў. Прывівайце звычку паведамляць пра свае планы і месцазнаходжанне.

Абарона дзяцей ад педафілаў – комплексная задача, якая патрабуе актыўнага ўдзелу бацькоў. Адкрытыя стасункі, навучанне асновам бяспекі і ўважлівыя адносіны да акружэння дапамогуць вам стварыць бяспечны асяродак для вашага дзіцяці.

Данііл СМІРНОЎ,
старшы оперупаўнаважаны ГНіСГЛ РАУС.