«Наркотыкі: даведайся праўду і адмоўся». Пад такой назвай на мінулым тыдні ва ўстановах адукацыі прайшла раённая міжведамасная акцыя, ініцыятарам якой выступіла камісія па справах непаўналетніх райвыканкама.

Як не трапіць у лік нарказалежных і адмовіцца ад спакусы лёгкіх грошай, што абяцаюць закладчыкам псіхатропаў. Якая адказнасць прадугледжана за захаванне і збыт наркотыкаў. Чаму лепш зрабіць выбар на карысць здаровага ладу жыцця. Пра гэта нагадалі школьнікам супрацоўнікі раённага аддзела ўнутраных спраў, псіхолагі сацыяльна-педагагічнага і тэрытарыяльнага цэнтраў.

– За два дні наведалі пяць устаноў адукацыі. Папярэдзілі дзяцей трымацца ад наркотыкаў надалей, – расказвае намеснік старшыні камісіі па справах непаўналетніх Алена Пацеенак. – Тэма асабліва актуальная для старшакласнікаў, якія ў хуткім часе стануць студэнтамі і, магчыма, сутыкнуцца з сітуацыяй, калі ім прапануюць паспрабаваць наркотыкі ці зарабіць на іх сбыце. У такіх выпадках самае важнае – сказаць цвёрдае «Не». На гэтым акцэнтавалі ўвагу падлеткавай аўдыторыі.

Кацярына РЫНКЕВІЧ.

Фота для ілюстрацыі.