Аномально теплая и малоснежная зима привела к тому, что сезон активности клещей стартовал раньше. В стране первый укус зафиксирован еще в январе. Эти насекомые могут быть переносчиками клещевого энцефалита и Лайм-боррелиоза, а еще ряда других инфекций. И если от первого есть прививка, то от второго – нет. Как защитить себя?

Анамальна цёплая і маласнежная зіма прывяла да таго, што сезон актыўнасці кляшчоў стартаваў раней. У краіне першы ўкус зафіксаваны яшчэ ў студзені. Гэтыя насякомыя могуць быць пераносчыкамі клешчавога энцэфаліту і Лайм-барэліёзу, а яшчэ шэрагу іншых інфекцый. І калі ад першага ёсць прышчэпка, то ад другога – не. Як абараніць сябе?

Іксодавыя кляшчы любяць вільгаць, жывуць на ўчастках з добра развітым раслінным покрывам. Яны аддаюць перавагу ўмерана зацемненым тэрыторыям з густым травастоем і часцей сустракаюцца на лясных сцежках, парослых па баках травой. Актыўныя з сакавіка па лістапад.

Чалавек заражаецца часцей за ўсё пасля прысмоктвання інфіцыраванага кляшча. Клешчавы энцэфаліт можа развіцца і пры ўжыванні некіпячонага казінага малака, калі жывёлу раней пакусала інфіцыраванае насякомае. Прыкметы вострага віруснага захворвання – дрыжыкі, моцны галаўны боль, ванітаванне, колючыя болі ў канечнасцях. Ліхаманка трымаецца чатыры – пяць дзён, пасля чаго знікае, а праз тыдзень – два вяртаецца ў выглядзе паражэння мазгавых абалонак. Галаўныя болі ўзмацняюцца, з’яўляюцца напружанасць патылічных мышцаў і святлабоязь.

Хвароба Лайма – вострая бактэрыяльная, якая перахо- дзіць у хранічную. Праяўляецца паражэннем скуры, нервовай і сардэчна-сасудзістай сістэм, апорна-рухальнага апарата, агульнай інфекцыйнай інтаксікацыяй. Першыя прыкметы – у месцах прысмоктвання кляшча праз адзін – два тыдні і больш праяўляецца чырвоная пляма, у сярэдзіне больш светлая, якая павялічваецца, а потым кольцы з’яўляюцца і ў іншых месцах. Іх суправаджаюць галаўны боль, агульная слабасць, немач, павышаная да 38 градусаў тэмпература цела. Калі іх не лячыць, хвароба становіцца хранічнай і на позніх стадыях развіваюцца цяжкія паражэнні органаў і сістэм.

Каб не натрапіць на кляшча, трэба захоўваць меры прафілактыкі: у лесе максімальна прыкрываць цела, апранаць светлае адзенне з доўгімі рукавамі, манжэтамі і каўнерам, а штаны запраўляць у шкарпэткі, абавязковы галаўны ўбор. Варта прымяняць рэпеленты, кожныя паўтары – дзве гадзіны аглядаць адзенне. Вярнуўшыся з лесу, трэба праверыць і хатніх гадаванцаў, а таксама тое, што прынеслі з сабой.

Калі выявілі кляшча, які прысмактаўся, – звярніцеся ў арганізацыю аховы здароўя па медыцынскую дапамогу. Калі няма такой магчымасці – выдаліце яго самастойна спецыяльнай прыладай, ніцяной пятлёй ці пінцэтам. Месца прысмоктвання апрацуйце любым спіртавым растворам. Пры неабходнасці прафілактычнае лячэнне антыбіётыкамі прызначыць урач.

Даследаваць кляшча на Віцебшчыне можна ў мікрабіялагічных лабараторыях абласнога цэнтра гігіены, эпідэміялогіі і грамадскага здароўя па адрасе г. Віцебск, вул. Жасткова, 25 і Аршанскага занальнага цэнтра гігіены і эпідэміялогіі па адрасе г. Орша, вул. Талстога, 14.

Алена ТАНКАВІД, урач-эпідэміёлаг (загадчык аддзела) РЦГЭ.
Фота для ілюстрацыі.