Ігар КУЗНЯЦОЎ, старшыня раённага выканаўчага камітэта:

– Раней мы ўспрымалі мір як дадзе- насць, сёння гэты складнік выходзіць на першы план. Астатняе – сям’я, здароўе, работа, дабрабыт – залежыць толькі ад нас. Прэзідэнт заявіў, што пры неабходнасці гатовы размясціць на тэрыторыі Беларусі ядзерную зброю. Гэта не нагнятанне абстаноўкі, а абарона нашай дзяржавы. Не ўпершыню ён задае пытанне: ці гатовы мы ахоўваць краіну і Радзіму. Сваю сям’ю, свой дом, сваю зямлю. Кожны павінен працаваць на сваім рабочым месцы – шчыра, справядліва – і такім чынам рабіць унёсак у агульную справу. Тады будуць мір, парадак і спакой на нашай зямлі.

Іван СУШКО, дырэктар мясакамбіната:

– Эканоміка павінна працаваць, тады ў нас будзе ўсё. Моцная эканоміка – моцная дзяржава. Калі наша краіна будзе магутнай і незалежнай, то нам некага і нечага баяцца. Так што ўсё залежыць толькі ад нас. У прамысловасці для стварэння трывалай сыравіннай базы дзяржава нацэлена аказваць падтрымку вёсцы. У першую чаргу яна мае дачыненне да далейшай мадэрнізацыі і будаўніцтва жывёлагадоўчых аб’ектаў. Што да нашага мясакамбіната, то мы павінны выканаць запланаваныя інвестпраекты. Спадзяюся, патрапім у дзяржаўную праграму і правядзём рэканструкцыію забойнага цэху.

Уладзіслаў КАШКУР, дырэктар СШ № 3 імя Героя Савецкага Саюза Я. Томкі:

– Прэзідэнт закрануў розныя тэмы – у першую чаргу бяспекі і міру на планеце, ролі кожнага чалавека ў лёсе сваёй дзяржавы. Задача настаўнікаў і школы – быць патрыётамі і сваім прыкладам выхоўваць патрыётаў. Роля маладога чалавека асабліва значная ў гісторыі нашай краіны, таму важна яго накіроўваць, вызначаць правільныя арыенціры. Прычым займацца патрыятычным выхаваннем трэба, пачынаючы з дзіцячага садка.

Фота для ілюстрацыі.