У чацвер Прэзідэнт правёў першую ў новым годзе нараду з кіраўніцтвам Савета Міністраў. Разгледзелі найбольш актуальныя пытанні.

Закупкі – удасканаліць

Пачалі з пытанняў, што маюць дачынне да сістэмы закупак. Яна заўсёды была аб’ектам пільнай увагі Прэзідэнта, паколькі гэта адзін з самых значных інструментаў эканамічнай палітыкі. Неаднойчы даваў даручэнні выкарыстоўваць яго для павышэння канкурэнтаздольнасці эканомікі, эфектыўнага расходавання грашовых сродкаў і недапушчэння шэрых схем. Кіраўнік дзяржавы адзначыў, што Урад падрыхтаваў праект указа, закліканы выключыць нядобрасумленнае пасрэдніцтва і ўдасканаліць сістэму закупак за кошт бюджэтных і ўласных сродкаў арганізацый. «Аднак пры любых навацыях павінна быць забяспечана бесперабойнасць працэсаў у гаспадарчай дзейнасці прадпрыемстваў з адначасовай эканоміяй грашовых сродкаў», – падкрэсліў Прэзідэнт.
Па словах міністра антыманапольнага рэгулявання і гандлю Аляксея Багданава, прапануемыя навінкі дазволяць сэканоміць бюджэтныя сродкі і павялічыць долю айчынных тавараў пры ажыццяўленні дзяржаўных закупак. Першае, што прапануецца, – забарона на ўдзел у дзяржзакупках афіліраваных асоб. Менавіта афіліраваныя змовы – адна з карупцыйных складнікаў, якая прыводзіць да значнага завышэння цэн, лічыць міністр.

Прапанаваў Урад і такую навацыю: аперацыі па арэндзе і лізінгу павінны будуць праводзіцца на канкурэнтнай аснове. Як патлумачыў Аляксей Багданаў, гэта дазволіць выключыць выпадкі, калі закупляецца імпартнае абсталяванне ці тэхніка ў абход конкурсных працэдур і без удзелу беларускіх пастаўшчыкоў.
У сувязі з тым Аляксандр Лукашэнка звярнуў увагу, што ў выніку прыняцця адпаведны дакумент павінны займець дзейны эфект і на справе садзейнічаць выпраўленню недахопаў: «Ратуй Гасподзь вам і іншым давядзецца канстатаваць факт, што мы гэтым не дабіліся жадаемага».

Лічбавізацыю – у Міністэрства

Асаблівая ўвага на нарадзе надавалася праекту ўказа, які на базе існуючага Міністэрства сувязі і інфармацыі прапануе стварыць новы дзяржаўны орган – Міністэрства лічбавага развіцця і сувязі. Як далажылі Кіраўніку дзяржавы, у Беларусі ёсць неабходная базавая інфраструктура: развітая сетка перадачы дадзеных, надзейныя цэнтры іх апрацоўкі і захоўвання, укаранілі сучасныя сродкі аховы інфармацыі. «Магчыма, гэтага недастаткова. Лічбавая сфера павінна не толькі паляпшаць быт людзей, але і праз высокаэфектыўныя вытворчасці павышаць іх дабрабыт. Больш увагі неабходна надаваць лічбавізацыі рэальнага сектара эканомікі, забеспячэнню канкурэнтаздольнасці прадпрыемстваў», – заявіў Аляксандр Лукашэнка і папрасіў далажыць, як рэалізацыя мяркуемага ўказа будзе садзейнічаць якасным змяненням у жыцці грамадзян і развіццю краіны, наколькі гэта запатрабавана.

Адказнасць праўленняў таварыстваў – узмацніць

Да вырашэння пытання аб узмацненні адказнасці старшынь праўленняў таварыстваў уласнікаў жылля падвяло само жыццё, канстатаваў Прэзідэнт: «Усе мы бачылі, якую шкоду нанеслі будынкам і грамадскай маёмасці ў выніку так званых пратэстных акцый. Дзякуй Богу, што яшчэ не спалілі сталіцу, як гэта зрабілі з фінансавай сталіцай Казахстана. У большасці выпадкаў гэта адбывалася пры патуранні, а часам і па ініцыятыве кіраўнікоў арганізацый уласнікаў жылля. На выпраўленне наступстваў і навядзенне парадку затрачваліся вялізныя грошы».
Кіраўнік дзяржавы нагадаў, што даваў даручэнні аб узмацненні адказнасці старшынь праўленняў таварыстваў уласнікаў і іншых арганізацый за незабеспячэнне захаванасці, належнай эксплуатацыі і ўтрымання агульнай маёмасці.

Фінансавую граматнасць – павысіць

Тэма фінансавага кансультавання фізічных асоб таксама актуальная. «Тэмпы развіцця фінансавага рынку абумоўлены сучаснымі эканамічнымі тэндэнцыямі. Таму ў насельніцтва ўзнікаюць пэўныя праблемы з-за таго, што сярэдні ўзровень яго фінансавай граматнасці не заўсёды паспявае за падзеямі, што адбываюцца», – патлумачыў Аляксандр Лукашэнка.
Большасць грамадзян так ці інакш сутыкаюцца з пытаннямі, якія маюць дачыненне да атрымання дапамогі ў выбары фінансавай установы, непасрэдна саміх інвестыцыйных ці крэдытных прадуктаў, звярнуў увагу Прэзідэнт: «У да- дзеным выпадку задача дзяржавы – сфарміраваць дзейсны інстытут прафесіянальнай дапамогі людзям, якія маюць патрэбу ў кваліфікаванай падтрымцы для кіравання сваімі фінансамі».

Па матэрыялах БЕЛТА і СМІ