З першага дня выхаду – у маі 1941 года, выданне пачэсна несла званне «палымянага летапісца раёна». У сценах рэдакцыі нараджаліся смелыя творчыя ідэі і праекты, журналісты газеты заўсёды трымалі сваё пяро на пульсе падзей.
Ішоў час, змяняліся назвы выдання, але рэдакцыя імкнулася несці сваё праўдзівае слова да чытача, шукаць новыя тэмы. І сёння «Міёрскія навіны» вызначаюцца актуальнай тэматыкай, публіцыстычным падыходам да асвятлення падзей грамадства. Прафесіяналізм, паважлівае стаўленне да чалавека, разуменне вялікай адказнасці за выказанае слова забяспечваюць газеце аўтарытэт і павагу.
Рэдакцыя па-ранейшаму крочыць у авангардзе свайго часу. Мясцовыя навіны аператыўна з'яўляюцца ў інтэрнэт-рэсурсах выдання. Дзейнасць органаў мясцовай улады, чалавек працы, здабыткі, дасягненні і захапленні жыхароў раёна – усё знаходзіць адлюстраванне на старонках мясцовага друку.
Жадаем супрацоўнікам рэдакцыі новых аўтарскіх знаходак, трывалага накладу, плённай працы на журналісцкай ніве. Моцнага вам здароўя, шчасця, творчага і жыццёвага натхнення!
Віцебскі абласны выканаўчы камітэт.
Віцебскі абласны Савет дэпутатаў.
